ហាណូយ៖ ប្រទេសវៀតណាម បានរាយការណ៍ករណីឆ្លងថ្មីនៃជំងឺកូវីដ-១៩ ចំនួន ១៦,៩៤៨ករណី ដែលក្នុងនោះមាន ១៦,៩១៤ ករណីជាករណីឆ្លងក្នុងស្រុក និង ៣៤ករណីត្រូវបាននាំចូល នេះបើយោងតាមក្រសួងសុខាភិបាលរបស់ខ្លួន។
រដ្ឋធានីហាណូយរបស់វៀតណាម បានរាយការណ៍ថាមានករណីចំនួន ២,០៤៥ករណី ដែលជាចំនួនខ្ពស់បំផុតនៅក្នុងប្រទេស បន្ទាប់មកគឺទីក្រុង Hai Phong ភាគខាងជើង ដែលមាន ១,៨០៤ករណី និងខេត្ត Vinh Long ភាគខាងត្បូងមាន ១,២៨០ករណី។
ក្រសួងបានឲ្យដឹងថា ការឆ្លងបាននាំឱ្យចំនួនសរុបរបស់ប្រទេសកើនឡើងដល់ ១,៧៦៣,០៤០ករណី ជាមួយនឹងការស្លាប់ ៣២,៨៣១នាក់។ ទន្ទឹមនឹងនេះ អ្នកជំងឺកូវីដ-១៩ ចំនួន ១,៣៧២,៦៩៦នាក់ បានជាសះស្បើយ កើនឡើង ១៤,៤២០នាក់។
ក្រសួងសុខាភិបាលវៀតណាម បានឲ្យដឹងថា វ៉ាក់សាំងបង្ការជំងឺកូវីដ-១៩ ប្រមាណ ១៥២,៨ លានដូស រួមទាំងការចាក់វ៉ាក់សាំងលើកទី ២ ចំនួន ៦៩,១ លាន និងការចាក់លើកទី៣ ចំនួន ៦ លានត្រូវបានគ្រប់គ្រង៕
ដោយ ឈូក បូរ៉ា
