បរទេស៖ កាលពីថ្ងៃចន្ទ រដ្ឋមន្ត្រីសុខាភិបាលប៉ូឡូញ លោក Adam Niedzielski បាននិយាយថា ទីក្រុង Warsaw អាចនឹងដាក់កំហិតដើម្បីទប់ស្កាត់វីរុសកូវីដ១៩ ថ្មី ប្រសិនបើការឆ្លងវីរុសនេះនៅតែបន្តកើនឡើង។
យោងតាមសារព័ត៌មាន Sputnik ចេញផ្សាយនៅថ្ងៃទី៥ ខែមករា ឆ្នាំ២០២២ បានឱ្យដឹងថា ជំនួយការកំពូលរបស់ប្រធានាធិបតីប៉ូឡូញ លោក Andrzej Duda បានប្រាប់ទីភ្នាក់ងារសារព័ត៌មានរដ្ឋ PAP នៅថ្ងៃពុធថា លោក Andrzej Duda បានធ្វើតេស្តវិជ្ជមានសម្រាប់ COVID-19 ហើយបច្ចុប្បន្នកំពុង នៅដាច់ដោយឡែក។
ប្រធានបុគ្គលិក Pawel Szrot បានអះអាងនៅលើទំព័រ Twitter របស់គាត់ថា “ប្រធានាធិបតីមិនអីនោះទេ មិនមានរោគសញ្ញាធ្ងន់ធ្ងរទេ ហើយស្ថិតក្រោមការ ថែទាំសុខភាពជាប្រចាំ” ។ កាលពីខែតុលា ឆ្នាំ២០២០ កន្លងទៅ លោក Duda ក៏ធ្លាប់ធ្វើតេស្តវិជ្ជមានសម្រាប់មេរោគឆ្លងនេះដែរ ដែលនៅពេលនោះ ប្រធានាធិបតីប៉ូឡូញបាន លើកឡើងថា លោកមិនមានរោគសញ្ញានៃ COVID-19 នោះទេ ប៉ុន្តែថា “ជាអកុសល លទ្ធផលតេស្តគឺច្បាស់លាស់ថា ឆ្លង”៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
