បរទេស៖ ក្រសួងការពារជាតិរុស្ស៊ី បានអះអាងក្នុងអំឡុងសន្និសីទសារព័ត៌មាន ប្រចាំថ្ងៃមួយ កាលពីថ្ងៃពុធថា ការវាយប្រហាររបស់រុស្ស៊ីលើរោងចក្រផលិតកប៉ាល់នៅកំពង់ផែ Nikolaev របស់អ៊ុយក្រែន បានសម្លាប់ទាហានរហូតដល់ 500 នាក់កាលពីថ្ងៃអង្គារ។
យោងតាមសារព័ត៌មាន RT ចេញផ្សាយនៅថ្ងៃទី២២ ខែមិថុនា ឆ្នាំ២០២២ បានឱ្យដឹងដោយផ្អែកតាមរបាយការណ៍ថា កងទ័ពទាំងនោះជាកម្មសិទ្ធិ របស់កងពលតូចមេកានិចទី 59 របស់កងទ័ពអ៊ុយក្រែន ដែលវាត្រូវបានគេជឿថា កំពុងកាន់កាប់នៅឯកន្លែងផលិតកប៉ាល់ Okean ។ ទីតាំងរោងចក្រនេះមានទីតាំងនៅភាគខាងត្បូង នៃទីក្រុងរបស់អ៊ុយក្រែន ដែលឈរនៅលើទន្លេដ៏សំខាន់មួយចម្ងាយប្រហែល 60 គីឡូម៉ែត្រក្នុងដីពីសមុទ្រខ្មៅ។
ក្រសួងបាននិយាយថា កងទ័ពអាកាសរុស្ស៊ី បានប្រើប្រាស់អាវុធនាំផ្លូវ ដើម្បីវាយប្រហាររោងចក្រផលិតកប៉ាល់ ដោយសម្លាប់សមាជិកសេវាកម្មអ៊ុយក្រែន និងបំផ្លាញអាវុធ និងរថយន្តយោធាផងដែរ។
ប្រភពពីខាងអ៊ុយក្រែន បានរាយការណ៍ពីការវាយប្រហារ កាំជ្រួចមីស៊ីលរុស្សីជាច្រើន គ្រាប់សំដៅលើកំពង់ផែ Nikolaev កាលពីថ្ងៃអង្គារ។ យោធាអ៊ុយក្រែនបាននិយាយថា ទាំងនេះបណ្តាលឱ្យខូចខាត ដល់ហេដ្ឋារចនាសម្ព័ន្ធកំពង់ផែ អគារឧស្សាហកម្ម និងបណ្តាញអគ្គិសនី និងបានបំផ្លាញរថយន្តដឹកទំនិញមួយចំនួន៕ ប្រែសម្រួលៈ ណៃ តុលា
