បរទេស៖ ប្រធានាធិបតីតួកគីលោក Recep Tayyip Erdogan បាននិយាយកាលពីថ្ងៃសៅរ៍ ខណៈពេលដែលត្រឡប់មកពីកិច្ចប្រជុំកំពូល នៃប្រទេសតួកគីក្នុងទីក្រុង Samarkand ប្រទេស Uzbekistanថា សហរដ្ឋអាមេរិក និងលោកខាងលិចទាំងមូល កំពុងវាយប្រហាររុស្ស៊ី “ស្ទើរតែគ្មានដែនកំណត់” ដែលជំរុញឱ្យមានប្រតិកម្មការពារ ពីធម្មជាតិ។
យោងតាមសារព័ត៌មាន RT ចេញផ្សាយនៅថ្ងៃទី១២ ខែវិច្ឆិកា ឆ្នាំ២០២២ បានឱ្យដឹងថា ដោយកត់សម្គាល់ថាប្រទេសរុស្ស៊ីមិនមែនជារដ្ឋ “សាមញ្ញ” ប៉ុន្តែពោរពេញដោយ “អំណាច” លោក Erdogan បានសរសើរ “ការតស៊ូដ៏អស្ចារ្យ” របស់រុស្ស៊ីប្រឆាំងនឹងសកម្មភាពអរិភាពរបស់សមូហភាពលោកខាងលិចផងដែរ។
លោកបន្តថា “លោកខាងលិច និងជាពិសេសអាមេរិក កំពុងវាយប្រហាររុស្ស៊ីស្ទើរតែគ្មានដែនកំណត់។ ជាការពិតណាស់ រុស្ស៊ីកំពុងបង្ហាញការតស៊ូយ៉ាងខ្លាំងនៅចំពោះមុខបញ្ហាទាំងអស់នេះ»។
តួកគី ត្រូវបានកំណត់ថា នឹងបន្តកិច្ចខិតខំប្រឹងប្រែងរបស់ខ្លួន ក្នុងការសម្រុះសម្រួលរវាងរុស្ស៊ី និងអ៊ុយក្រែនចំពេលមានជម្លោះ លោក Erdogan បានផ្តល់សញ្ញាដោយរំលឹកពីឧប្បត្តិហេតុថ្មីៗនេះនៅក្នុងសមុទ្រខ្មៅ ដែលធ្វើឱ្យកិច្ចព្រមព្រៀងដែលឧបត្ថម្ភដោយ អង្គការសហប្រជាជាតិ និង តួកគី ជាឈ្មួញកណ្តាល ដើម្បីជួយសម្រួលដល់ការនាំចេញគ្រាប់ធញ្ញជាតិពីកំពង់ផែអ៊ុយក្រែន នៅលើគែមនៃការដួលរលំ៕ ប្រែសម្រួលៈ ណៃ តុលា
