ដាកា៖ រដ្ឋាភិបាលបណ្តោះអាសន្នរបស់បង់ក្លាដែស បានស្វែងរកថវិកាចំនួន ១ ពាន់លានដុល្លារ ពីធនាគារពិភពលោកជាជំនួយថវិកា នេះបើយោងតាមការចុះផ្សាយរបស់ ទីភ្នាក់ងារសារព័ត៌មានចិនស៊ិនហួ។
ការអំពាវនាវនេះបានមកពីកិច្ចប្រជុំ របស់ទីប្រឹក្សាថាមពល ថាមពល និងធនធានរ៉ែរបស់ប្រទេសលោក Muhammad Fouzul Kabir Khan ជាមួយលោក Abdoulaye Seck នាយកធនាគារពិភពលោកប្រចាំប្រទេសបង់ក្លាដែស និងប៊ូតាន នៅទីក្រុងដាកា កាលពីថ្ងៃពុធ។
លោកបានធ្វើការទទូចទៅកាន់ធនាគារពិភពលោក ខណៈក្រសួងជំពាក់បំណុលជាង ២ពាន់លានដុល្លារ ទៅឱ្យអ្នកផ្គត់ផ្គង់ក្នុងតម្លៃនាំចូលថាមពល រួចទៅហើយ។
លោក Khan បានលើកឡើងថា រដ្ឋាភិបាលបណ្តោះអាសន្ន ដែលត្រូវបានបង្កើតឡើងដោយមានអាណត្តិជាច្រើន គឺត្រូវដោះស្រាយបំណុលចំនួន ២ពាន់លានដុល្លារអាមេរិក ដែលបន្សល់ទុកដោយរដ្ឋាភិបាល មុនក្នុងវិស័យថាមពល។
លោកបានថ្លែងថាពួកគេបានផ្អាក សកម្មភាពរួចហើយក្រោមច្បាប់បង្កើនថាមពលអគ្គិសនី និងផ្គត់ផ្គង់ថាមពលឆ្នាំ២០១០ ដែលរងការរិះគន់ខ្លាំង ហើយបានលុបចោលអំណាចរបស់រដ្ឋាភិបាលក្នុងការកំណត់តម្លៃថាមពល ដោយមិនមានសវនាការជាសាធារណៈ ៕
ប្រែសម្រួល ឈូក បូរ៉ា
