ស៊ីចាង៖ នៅថ្ងៃសុក្រនេះ ប្រទេសចិន បានបាញ់បង្ហោះផ្កាយរណបចំនួន៤ ដែលជាក្រុមតារានិករ Tianqi ដោយបាញ់ចេញពី មជ្ឈមណ្ឌលបង្ហោះផ្កាយរណបស៊ីចាង នៅខេត្តស៊ីឈួនភាគនីរតីនៃប្រទេសចិន ។
ផ្កាយរណបទាំង៤ ដែលមានឈ្មោះថា Tianqi 29-32 ត្រូវបានបាញ់បង្ហោះនៅវេលាម៉ោង៥ និង៤៣ល្ងាច ម៉ោងនៅក្រុងប៉េកាំង ដោយប្រើគ្រាប់រ៉ុក្កែត Kuaizhou-1A (KZ-1A) ហើយបានចូលទៅក្នុងគន្លងតារាវិថីតាមការគ្រោងទុក ។
គួរបញ្ជាក់ថា ការបាញ់បង្ហោះនេះ គឺជាបេសកកម្មបាញ់បង្ហោះលើកទី៣៣ ដែលពាក់ព័ន្ធនឹងការប្រើប្រាស់គ្រាប់រ៉ុក្កែត KZ-1A ។
គ្រាប់រ៉ុក្កែតលើនាវាផ្ទុកយាន Kuaizhou-1A (KZ-1A) ដែលផ្ទុកផ្កាយរណបថ្មីចំនួន៤ សម្រាប់ក្រុមតារានិករ Tianqi បានត្រូវបំផ្ទុះឡើងចេញពីមជ្ឈមណ្ឌលបាញ់បង្ហោះផ្កាយរណបស៊ីចាង ក្នុងខេត្ត ស៊ីឈួន ភាគនិរតីនៃប្រទេសចិន កាលពីថ្ងៃទី២០ ខែកញ្ញា ឆ្នាំ២០២៤ ៕
ប្រែសម្រួលដោយ៖ ម៉ៅ បុប្ផាមករា
