រុស្ស៊ី ទទួលបានយន្តហោះទម្លាក់គ្រាប់បែក Su-34 ជំនាន់ចុងក្រោយបង្អស់ ដែលទើបនឹងធ្វើទំនើបកម្ម
មូស្គូ៖ រុស្ស៊ី បានបញ្ចប់ការប្រគល់ យន្តហោះចម្បាំងវាយប្រហារ Su-34 ជំនាន់ចុងក្រោយបង្អស់ជាមួយនឹងការកែលម្អ នេះបើយោងតាម ការចុះផ្សាយ របស់សាជីវកម្មយន្តហោះ សហរដ្ឋអាមេរិក (UAC) នេះបើយោង តាមការចុះផ្សាយ របស់ទីភ្នាក់ងារសារព័ត៌មាន ចិនស៊ិនហួ។
UAC ដែលជាផ្នែកមួយ នៃក្រុមហ៊ុនអាកាសចរណ៍យក្ស Rostec របស់រុស្ស៊ី បានឲ្យដឹងថា ម៉ូដែលដែលបានប្រគល់ ជូនបានបញ្ចប់ការធ្វើតេស្តលើដី និងហោះហើរ ចាំបាច់ទាំងអស់ ជាមួយនឹងការកែលម្អ ដែលអាចឱ្យមានការ វាយប្រហារកាន់តែត្រឹមត្រូវ និងមានឥទ្ធិពលខ្លាំង នៅចម្ងាយរាប់រយគីឡូម៉ែត្រ។
យោងតាម UAC យន្តហោះ Su-34 ត្រូវបានរចនាឡើងដើម្បីវាយប្រហារគោលដៅលើដី លើដី និងលើអាកាស រួមទាំងគោលដៅដែលត្រូវបានការពារដោយប្រព័ន្ធ ការពារដែនអាកាសផងដែរ។ បន្ថែមពីលើបេសកកម្មវាយប្រហារ វាអាចធ្វើការឈ្លបយកការណ៍ តាមអាកាស។
លោក Vadim Badekha នាយកប្រតិបត្តិនៃ UAC បានឲ្យដឹងថា ការផលិតនៅឆ្នាំ២០២៥ ត្រូវបានបញ្ចប់តាមកាលវិភាគ ហើយការងារលើការផលិតនៅឆ្នាំ ក្រោយកំពុងដំណើរការរួចហើយ ដោយកត់សម្គាល់ថា ឆ្នាំនេះគឺជា “ឆ្នាំមួយដែលមានផលិតភាពបំផុត ទាក់ទងនឹងចំនួនយន្តហោះយុទ្ធសាស្ត្រ”៕
ប្រែសម្រួល ឈូក បូរ៉ា
