ភ្នំពេញ៖លោកវង្សី វិស្សុត រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ បានបញ្ជាក់ថា បើសិនជាគ្មានបញ្ហាអ្វីប្រែប្រួលទេនោះ សម្ដេចតេជោ ហ៊ុនសែន នាយករដ្ឋមន្រ្តីកម្ពុជា នឹងអញ្ជើញធ្វើដំណើរ ទៅទីក្រុងប៉េកាំង ប្រទេសចិន មុនថ្ងៃទី១២ ខែសីហា ឆ្នាំ២០២០ ដើម្បីធ្វើជាអធិបតីភាព នៃការចុះហត្ថលេខា បញ្ចប់កិច្ចព្រមព្រៀង ពាណិជ្ជកម្មសេរី កម្ពុជា-ចិន។
ក្នុងសន្និសីទសារព័ត៌មានមាន ស្ដីពីស្ថានភាពសេដ្ឋកិច្ចអំឡុងវិបត្តិកូវីដ១៩ នៅថ្ងៃនេះ លោកវង្សី វិស្សុត បានថ្លែងថា “តាមការសម្រេចរបស់សម្ដេចតេជោ លោកគ្រោងធ្វើដំណើរទៅប៉េកាំង មុនថ្ងៃទី១២ ខែសីហា ដើម្បីទៅធ្វើជាអធិបតីភាព នៃការចុះហត្ថលេខាលើ (STA)បញ្ចប់កិច្ចព្រមព្រៀង ពាណិជ្ជកម្មសេរីកម្ពុជា-ចិននេះ នៅទីក្រុងប៉េកាំង លោកអញ្ជើញទៅផ្ទាល់ខ្លួនឯង”។
សូមបញ្ជាក់ថា បច្ចុប្បន្នកម្ពុជាកំពុងពន្លឿន ការចរចាពាណិជ្ជកម្មសេរីទ្វេភាគី ជាមួយបណ្ដាលប្រទេសជាច្រើននៅលើពិភពលោកជាពិសេសជាមួយ ចិន និងកូរ៉េខាងត្បូង៕ដោយ៖ធី លីថូ
