ព័ត៌មានជាតិ

ការដ្ឋានសាងសង់ ផ្លូវបេតុង ២ ខ្សែ ជាង ៤០០០ម៉ែត្រ នៅស្រុកកងមាស

កំពង់ចាម ៖ អភិបាលខេត្តកំពង់ចាម លោក អ៊ុន ចាន់ដា នៅព្រឹកថ្ងៃទី ២២ ខែមិថុនា ឆ្នាំ ២០២១នេះ បានអញ្ជើញ ធ្វើពិធីបើកការដ្ឋានសាងសង់ផ្លូវបេតុង ២ ខ្សែ ដែលមានប្រវែង ៤៦០០ ម៉ែត្រ ស្ថិតក្នុងឃុំរាយប៉ាយ ស្រុកកងមាស ខេត្តកំពង់ចាម ។

លោក អ៊ុន ចាន់ដា អភិបាលខេត្តកំពង់ចាម បានមានប្រសាសន៍ ក្នុងឱកាសនោះថា ផ្លូវបេតុងចំនួនពីរខ្សែ ដែលមានប្រវែងជាង ៤៦០០ម៉ែត្រ ដែលត្រូវសាងសង់ ក្នុងភូមិសាស្ត្រឃុំរាយប៉ាយ ស្រុកកងមាស នាពេលនេះ គឺជាសមិទ្ធផល របស់សម្ដេចតេជោ ហ៊ុន សែន នាយករដ្ឋមន្ត្រី ផ្ដល់ជូនជាកាដូ សម្រាប់ប្រជាពលរដ្ឋយើងទាំងអស់នៅទីនេះ ។

លោកអភិបាលខេត្តបានថ្លែងបញ្ជាក់ថា មិនយូរប៉ុន្មានទេ ផ្លូវបេតុង ២ ខ្សែនេះ នឹងត្រូវសាងសង់រួចរាល់ប្រកបដោយគុណភាពខ្ពស់ ។ ប៉ុន្តែយ៉ាងណាក៏ដោយ ក្រោយពីទទួលបានសមិទ្ធផលទាំងនេះហើយ សូមឱ្យបងប្អូនប្រជាពលរដ្ឋ ត្រូវចេះថែទាំ និងប្រើប្រាស់ផ្លូវបេតុងទាំងនេះឲ្យមានប្រយោជន៍ នឹងត្រូវបើកបរគោរពច្បាប់ចរាចរណ៍ផ្លូវគោកទាំងអស់គ្នា ជាសវាង ការគ្រោះថ្នាក់ដោយយថាហេតុ។

ជាមួយគ្នានោះដែរ លោកអភិបាលខេត្ត បានអំពាវនាវដល់ប្រជាពលរដ្ឋទាំងអស់ អោយបង្កើនការ ការពារខ្លួន ជៀសអោយផុតពីការឆ្លង ជំងឺកូវីដ-១៩ ដោយត្រូវអនុវត្តអោយបានខ្ជាប់ខ្ជួននូវវិធានសុខាភិបាល ” ៣ការពារ និង ៣កុំ ” ពិសេស ការលាងសម្អាតដៃជាប្រចាំ, ការអនុវត្តន៍កាតព្វកិច្ចពាក់ម៉ាស់ , កាតព្វកិច្ចរក្សាគម្លាតសុវត្ថិភាពសង្គម និងគម្លាតសុវត្ថិភាពបុគ្គល តាមអនុក្រឹត្យរបស់រាជរដ្ឋាភិបាល និងសេចក្តីជូនដំណឹង របស់ក្រសួងសុខាភិបាល ក្នងដំណាក់កាលនៃការឆ្លងរាលដាល ជម្ងឺកូវីដ-១៩ នេះ៕

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top
×