ភ្នំពេញ ៖ ក្រសួងសាធារណការ និងដឹកជញ្ជូន បានឲ្យដឹងថា ករណីឧប្បត្តិហេតុគ្រោះថ្នាក់ចរាចរណ៍ រវាងរថភ្លើងប៉ះទង្គិចជាមួយ រថយន្តសាំងយ៉ុង នៅវាលរេញ ស្ថិតក្នុងស្រុកព្រៃនប់ ខេត្តព្រះសីហនុ កាលពីថ្ងៃទី១៣ ខែតុលា ឆ្នាំ២០២១ បានដោះស្រាយបញ្ចប់រួចរាល់ជាស្ថាពរហេីយ។
យោងតាមសេចក្ដីប្រកាស ព័ត៌មានរបស់ ក្រសួងសាធារណការ នាថ្ងៃទី១៤ តុលា នេះឱ្យដឹងថា «ករណីឧប្បត្តិហេតុគ្រោះថ្នាក់ចរាចរណ៍រវាង រថភ្លើងបានប៉ះទង្គិចជាមួយនឹងរថយន្តសាំងយ៉ុងនៅវាលរេញ ពេលនេះត្រូវបានដោះស្រាយបញ្ចប់រួចរាល់ជាស្ថាពរហេីយ នៅវេលាព្រឹកថ្ងៃទី១៤ ខែតុលា ឆ្នាំ២០២១នេះ»។
សូមបញ្ជាក់ជូនថា សមត្ថកិច្ចមិនបានឃាត់ខ្លួនអ្នកបេីករថភ្លេីងនោះឡេីយ ដោយគ្រាន់តែធ្វេីការសាកសួរនាំព័ត៌មានមួយចំនួនតែប៉ុណ្ណោះហេីយបច្ចុប្បន្ននេះអ្នកបេីករថភ្លេីងក៏ត្រូវបានអនុញ្ញាត្តិឱ្យវិលត្រលប់ទៅកាន់គេហដ្ឋានវិញផងដែរ៕
