រកឃើញ ករណីឆ្លងកូវីដ១៩ ចំនួន៤០នាក់ថ្មី ជាសះស្បើយ៣៧នាក់ និងស្លាប់៥នាក់

ភ្នំពេញ៖ ក្រសួងសុខាភិបាលកម្ពុជា នៅថ្ងៃទី២០ ខែ វិច្ឆិកា នេះ បានបន្តរកឃើញករណីឆ្លងជំងឺកូវីដ១៩ ចំនួន៤០នាក់ថ្មី (លទ្ធផលបញ្ជាក់ដោយ PCR)ខណៈមានអ្នកជាសះស្បើយ៣៧នាក់ និងស្លាប់៥នាក់ ក្នុងនោះមិនបានចាក់វ៉ាក់សាំង៣នាក់។

សូមបញ្ជាក់ថា គិតត្រឹមថ្ងៃទី២០ ខែវិច្ឆិកា ឆ្នាំ២០២១នេះ កម្ពុជារកឃើញអ្នកឆ្លងជំងឺកូវីដ១៩ សរុបចំនួន១១៩ ៨២៦នាក់ ក្នុងនោះបានព្យាបាលជាសះស្បើយ១១៦ ២០៧នាក់ និងស្លាប់២ ៨៩៦នាក់៕