នយោបាយ

លោក សយ សុភាព ខកចិត្តចំពោះអ្នកអត្ថាធិបាយ វិទ្យុអាស៊ីសេរី ដែលគ្មានប្រយោគឃ្លាឬពាក្យណា ឱ្យខ្មែររួបរួមគ្នា(Video)

ភ្នំពេញ ក្នុងនាម ជាអ្នកសារព័ត៌មាន នយោបាយ លោក សយ សុភាព អគ្គនាយកមជ្ឈមណ្ឌលសារព័ត៌មាន ដើមអម្ពិល និងជាប្រធានសមាគមអ្នកសារព័ត៌មាន កម្ពុជា-ចិន បានសម្ដែងការខកចិត្តចំពោះ អ្នកអត្ថាធិបាយ វិទ្យុអាស៊ីសេរី ដែលគ្មានប្រយោគឃ្លាឬពាក្យណា ឱ្យខ្មែររួបរួមគ្នា។

ការលើកឡើងពីសំណាក់ លោក សយ សុភាព បែបនេះធ្វើឡើង បន្ទាប់ពីវិទ្យុបរទេសផ្សាយជាភាសាខ្មែរ (RFA) នេះ បានធ្វើសេចក្ដីរាយការណ៍ និងអត្ថាធិប្បាយ ជុំវិញសកម្មភាពក្រុមបាតុកម្ម របស់ពួកបក្សប្រឆាំង នូវវត្តមានរបស់មេដឹកនាំកម្ពុជា ក្នុងឱកាសសម្ដេចតេជោ ហ៊ុន សែន ដឹកនាំគណប្រតិភូ ជាន់ ខ្ពស់កម្ពុជា ដើម្បី ចូលរួម កិច្ច ប្រជុំ កំពូលពិសេស អាស៊ាន -អាមេរិក នៅរដ្ឋធានីវ៉ាស៊ីនតោន សហរដ្ឋអាមេរិក ។

នាថ្ងៃទី១២ ខែឧសភា ឆ្នាំ២០២២នេះ លោក សយ សុភាព បានបង្ហោះសារ ដោយភ្ជាប់ជាមួយរូបថតអ្នកអត្ថាធិប្បាយ វិទ្យុអាស៊ីសេរី ២នាក់ ដោយមានខ្លឹមសារថា «អ្នកទាំង២នេះ ប្រហែលបូមឈាមខ្មែរចេញ ចាក់បញ្ជូលឈាមបរទេសហើយ មើលទៅ បានជាឆន្ទាមេដឹកនាំខ្មែរគ្រប់វិនាទី»។

ផ្ទាំងពាណិជ្ជកម្ម

លោកថា រាល់ការធ្វើអធិប្បាយ គ្មានប្រយោគ ឃ្លាឬពាក្យណាមួយម៉ាត់ ឱ្យខ្មែររួបរួមគ្នាទេ។

លោក សយ សុភាព បន្ថែមថា ពួកអ្នកមិនមែន ជាអ្នកផ្សាយព័ត៌មានឯករាជ្យ តែពួកអ្នកជាព្រាយបីសាច ចាំតែបឺត ជញ្ជក់ឈាមគេតែប៉ុណ្ណោះញុះញង់ ឱ្យខ្មែរឈ្លោះគ្នាគ្មានទីបញ្ចប់។ អ្នកត្រូវចាំថាអ្នកនឹងគ្មានឱកាស ជាន់ទឹកដីអង្គរ តទៅទៀតឡើយ។

លោក សយ សុភាព បញ្ជាក់ថា «អច្ឆរិយៈទន្លេមេគង្គ បានបំផ្លាញផែនការ ដ៏មហាទុច្ចរិត របស់ពួកអ្នកឯងអស់ហើយ»។

To Top