ពោធិសាត់: ក្មេងទំនើង ២ នាក់បានជិះម៉ូតូបង្ក សកម្មភាពអុកឡុក នៅក្នុងមូលដ្ឋាន តាមផ្លូវសាធារណះ ហើយដេញកាប់អ្នកធ្វើដំណើរ នៅតាមដងផ្លូវ បង្កការភ័យខ្លាច ដល់ប្រជាពលរដ្ឋ ត្រូវបានកម្លាំង នគរបាលក្រុងពោធិសាត់ ដឹកនាំដោយ លោកវរសេនីយ៍ទោ កែវ សារិ អធិការនគរបាល ក្រុងពោធិសាត់ ធ្វើការឃាត់ខ្លួន បានបាល កាលពីវេលាម៉ោង ១៩ និង ០០នាទីថ្ងៃទី ១៣ ខែ សីហា ឆ្នាំ ២០២២ ស្ថិតនៅតាមបណ្តោយផ្លូវកៅស៊ូ មួយខ្សែនៅត្រើយខាងកើត ស្ទឹងពោធិសាត់ ក្នុងភូមិស្ពានថ្ម សាង្កាត់ព្រៃញី ក្រុងពោធិសាត់ ខេត្តពោធិសាត់ ។
បើតាមរបាយការណ៍ របស់អធិការដ្ឋាន នគរបាលក្រុងពោធិសាត់ បានអោយដឹងថា ជនសង្ស័យចំនួន ២ នាក់ ដែលកម្លាំងសមត្ថកិច្ច នគរបាលក្រុងពោធិសាត់ ឃាត់ខ្លួនបាននោះរួម មានះឈ្មោះនង វណ្ណខេង ភេទប្រុស អាយុ២៥ឆ្នាំ ជនជាតិខ្មែរ រស់នៅភូមិស្ថានីយ៍ ឃុំកណ្តៀង ស្រុកកណ្តៀង និងឈ្មោះនាង តុង ភេទប្រុសអាយុ ២២ ឆ្នាំជនជាតិខ្មែរ រស់នៅភូមិស្ថានីយ៍ ឃុំកណ្តៀង ស្រុកកណ្តៀង ខេត្តពោធិសាត់។
របាយការណ៍ដដែល ក៍បានអោយដឹងទៀតថា រហូតមក ទល់ពេលនេះជនសង្ស័យទាំង ២ នាក់ រួមនឹងវត្ថុតាង ត្រូវបានកម្លាំង នគរបាលក្រុងពោធិសាត់ កសាងសំណុំរឿងចាត់ការ ទៅតាមនិតិវិធី ៕
