ភ្នំពេញ៖ លោក ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ នៅព្រឹកថ្ងៃទី២០ ខែកុម្ភៈ ឆ្នាំ២០២៤ បានអញ្ជើញដឹកនាំកិច្ចប្រជុំ បន្ដអនុវត្តផែនការមេ និងការព្យាករណ៍ផែនការមេ ផ្លូវជនបទ ដោយមានការចូលរួមពីសំណាក់ រដ្ឋលេខាធិការប្រចាំការ, រដ្ឋលេខាធិការ, អនុរដ្ឋលេខាធិការ, អគ្គនាយក, អគ្គនាយករង, ប្រធាននាយកដ្ឋាន, ព្រមទាំងថ្នាក់ដឹកនាំ និងមន្រ្តីជំនាញ។
![](https://dap-news.com/wp-content/uploads/2024/02/320-1024x628.jpg)
លោករដ្ឋមន្ត្រី បានលើកឡើងថា យោងតាមប្រសាសន៍ដ៏ខ្ពង់ខ្ពស់ របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រី ផ្លូវគឺនៅតែជាអាទិភាពសំខាន់ទី២ បន្ទាប់ពីធនធានមនុស្ស និងជាឆ្អឹងខ្នងសេដ្ឋកិច្ច ដើម្បីឈានឆ្ពោះទៅកាន់ច ក្ខុវិស័យកម្ពុជា ឆ្នាំ២០៣០ និង ឆ្នាំ២០៥០។
![](https://dap-news.com/wp-content/uploads/2024/02/318-1-1024x682.jpg)
![](https://dap-news.com/wp-content/uploads/2024/02/314-1024x610.jpg)
ដើម្បីសម្រេចបានចក្ខុវិស័យ ឆ្នាំ២០២៤- ២០២៨ របស់ក្រសួងអភិវឌ្ឍន៍ជនបទ គឺ “កសាងតំបន់ជនបទប្រកបដោយវិបុលភាព, បរិយាបន្ន, នវានុវត្តន៍, ឌីជីថល និងភាពធន់ ទាំងផ្នែកសេដ្ឋកិច្ច សង្គម និងវប្បធម៌” លោក ឆាយ ឫទ្ធិសែន បានផ្ដល់អនុសាសន៍សំខាន់ៗ ដែលជាទិសដៅ អនុវត្តបន្ត ដូចខាងក្រោម៖
១/ ត្រូវពង្រឹងការអនុវត្ដតាមផែនការមេ នៃផ្លូវជនបទឆ្នាំ២០៣០ ដែលបានអនុម័តរួចរាល់ តម្រង់ឆ្ពោះទៅការស្ថាបនាផ្លូវអាទិភាព តាមបណ្តាស្រុកគោលដៅ។
២/ ត្រូវពង្រឹងគុណភាព ស្ថាបនាផ្លូវជនបទ តាមរយៈការពង្រឹងយន្តការលទ្ធកម្ម ការត្រួតពិនិត្យគុណភាព។
៣/ ត្រូវសិក្សាបច្ចេកទេស ឬនវានុវត្តន៍ថ្មីៗតាមរយៈការស្វែងរកវត្ថុធាតុដើមថ្មី (Road Stabilizer) ដែលអាចជួយសន្សំថវិកាជាតិ និងពង្រឹងគុណភាពផ្លូវ ក៏ដូចជាធន់នឹងការប្រែប្រួលអាកាសធាតុ។
៤/ ត្រូវពង្រឹងគុណភាព ស្ថាប័ន និងគុណវុឌ្ឍិមន្ត្រីជំនាញ ត្រួតពិនិត្យបច្ចេកទេស និងមន្ទីរពិសោធន៍។
៥/ ត្រូវបន្តទំនាក់ទំនង ស្វែងរក និងសហការជាមួយដៃគូអភិវឌ្ឍន៍ និងបណ្តាស្ថាប័នរដ្ឋ និងឯកជន៕
![](https://dap-news.com/wp-content/uploads/2024/02/311-1-1024x602.jpg)
![](https://dap-news.com/wp-content/uploads/2024/02/313-1024x682.jpg)
![](https://dap-news.com/wp-content/uploads/2024/02/319-1024x682.jpg)
![](https://dap-news.com/wp-content/uploads/2024/02/316-1024x682.jpg)
![](https://dap-news.com/wp-content/uploads/2020/08/1-1.png)