DAP News

នយោបាយ

កម្ពុជាទាត់ចោលរបាយការណ៍ ស្ដីពី ការគោរពសិទ្ធិមនុស្សរបស់អាមេរិក ហើយថាជាការវាយតម្លៃតែមួយជ្រុង

នៅក្នុងរបាយការណ៍កម្រាស់ជាង៤០ទំព័រ ចេញផ្សាយនៅថ្ងៃទី១២ខែមេសា ឆ្នាំ២០២២ អាមេរិកបានអះអាងថា ខ្លួនរកឃើញសមាជិកនៃកងកម្លាំងរបស់រដ្ឋាភិបាលកម្ពុជាមួយចំនួន មានជាប់ពាក់ព័ន្ធនឹងអំពើរំលោភសិទ្ធិមនុស្សយ៉ាងធ្ងន់ធ្ងរ ដែលជំរុញឱ្យអំពើនិទណ្ឌភាពនៅតែបន្ដកើតមានឡើងនៅកម្ពុជា។ ប៉ុន្ដែការចោទប្រកាន់នេះ ត្រូវបានភាគីកម្ពុជាច្រានចោលទាំងស្រុង និងថាជារបាយការណ៍ដែលមិនឆ្លុះបញ្ចាំងអំពីការពិត។ តាមរយៈរបាយការណ៍របស់ក្រសួងការបរទេសអាមេរិកស្ដីពី “ការគោរពសិទ្ធិមនុស្សនៅឆ្នាំ២០២១” បានឱ្យដឹងថា ករណីរំលោភបំពានសិទ្ធិមនុស្សនៅកម្ពុជាមានដូចជា ការធ្វើទារុណកម្មដោយអំពើឃោឃៅ ការចាប់ឃុំឃាំងមនុស្សតាមអំពើចិត្ដ និងការប្រឆាំងអ្នកទោសនយោបាយជាដើម។ ជាមួយគ្នា ក៏មានផងដែរនូវការរឹតត្បិតទៅលើសិទ្ធិសេរីភាពនៃការបញ្ចេញមតិ សេរីភាពសារព័ត៌មាន និងសេរីភាពលើអ៊ីនធឺណេត ការប្រព្រឹត្ដអំពើហិង្សា ការគំរាមកំហែង ការចាប់ខ្លួន ឬការកាត់ទោសអ្នកសារព័ត៌មានដោយអយុត្ដិធម៌ ហើយចំពោះសេរីភាពនៃការជួបជុំដោយសន្ដិវិធី និងសេរីភាពក្នុងការបង្កើតសមាគមវិញ ក៏នៅតែមានការរឹតត្បិតខ្លាំងតាមរយៈការធ្វើទុក្ខបុកម្នេញលើក្រុមអង្គការសិទ្ធិមនុស្សជាតិនិងអន្ដរជាតិ។ ជាងនេះទៅទៀត របាយការណ៍គូសបញ្ជាក់ថា រដ្ឋាភិបាលកម្ពុជាបច្ចុប្បន្នកំពុងកាត់បន្ថយសិទ្ធិរបស់ពលរដ្ឋក្នុងការផ្លាស់ប្ដូររដ្ឋាភិបាលដោយសន្ដិវិធីតាមរយៈការបោះឆ្នោតដោយសេរី និងយុត្ដិធម៌។ ចំណែកអំពើពុករលួយនៅក្នុងប្រព័ន្ធតុលាការវិញ ក៏កំពុងរីករាលដាលដោយសារតែខ្វះការស៊ើបអង្កេតនិងដាក់ទោសទណ្ឌ។ រីឯការដាក់ទោសទណ្ឌចំពោះអ្នកប្រព្រឹត្ដអំពើហិង្សាលើស្ដ្រី ការជួញដូរមនុស្ស និងទម្រង់នៃពលកម្មកុមារក៏មិនត្រូវបានអនុវត្ដឱ្យបានពេញលេញដែរ។ របាយការណ៍ដដែលបន្ដថា អំពើរំលោភបំពានសិទ្ធិមនុស្សទាំងអស់នេះបានធ្វើឡើងដោយមន្ដ្រី ឬកងកម្លាំងមានសមត្ថកិច្ចមួយចំនួនដែលជាអ្នករក្សាសន្ដិសុខ ក្នុងនោះមានកងកម្លាំងនគរបាលជាតិ កងយោធពលខេមរភូមិន្ទ និងអាជ្ញាធរស៊ីវិល។ ការណ៍នេះបានជំរុញឱ្យវប្បធម៌និទណ្ឌភាពបន្ដរីករាលដាល ដោយសារតែមន្ដ្រីប្រព្រឹត្ដខុសច្បាប់មិនទទួលទោស។ យ៉ាងណាមិញ ជុំវិញការចោទប្រកាន់ដូច្នេះត្រូវបានមន្ដ្រីគណៈកម្មាធិការសិទ្ធិមនុស្សកម្ពុជាបដិសេធចោលទាំងស្រុង។ តាមរយៈការផ្ដល់បទសម្ភាសដល់សារព័ត៌មានក្នុងស្រុក លោកកត្ដា អ៊ន អ្នកនាំពាក្យគណៈកម្មាធិការសិទ្ធិមនុស្សកម្ពុជាលើកឡើងថា របាយការណ៍គឺផ្ទុយពីអ្វីដែលកើតឡើងពិតប្រាកដនៅកម្ពុជា។ នៅក្នុងរបាយការណ៍បានលើកហេតុផលបែបនេះបែបនោះ ចោទប្រកាន់ពីរឿងមួយទៅរឿងមួយ ប៉ុន្ដែជាក់ស្ដែងគឺអាជ្ញាធរនេះឯងដែលជាអ្នកមានភាពអត់ធ្មត់ខ្ពស់ បានបំពេញតួនាទីតាមនីតិវិធីច្បាប់ ហើយបានគោរពសិទ្ធិមនុស្សត្រឹមត្រូវក្នុងការដោះស្រាយបញ្ហាកូដកម្មនាពេលកន្លងមក។ របាយការណ៍អាមេរិកមានបញ្ហាមួយចំនួនដែលមិនឆ្លុះបញ្ចាំងការពិត និងមិនបានស៊ើបអង្កេតឱ្យច្បាស់លាស់នូវអ្វីដែលកើតឡើងលើកម្ពុជាឡើយ ហើយកម្ពុជាក៏មិនបានប្រើប្រាស់វិធានការបង្ក្រាបទៅលើការធ្វើកូដកម្មដូចនៅអាមេរិក ឬនៅបណ្ដាប្រទេសមួយចំនួនដែរ។ ជាការកត់សម្គាល់ នេះមិនមែនជាលើកទីមួយទេដែលកម្ពុជាបានច្រានចោលនូវការចោទប្រកាន់របស់អាមេរិកពាក់ព័ន្ធនឹងការរំលោភបំពានសិទ្ធិមនុស្ស។ កន្លងមកក្រសួងការបរទេសកម្ពុជាក៏ធ្លាប់ចាត់ទុករបាយការណ៍ស្ដីពីបញ្ហាសិទ្ធិមនុស្សកម្ពុជា ចេញដោយក្រសួងការបរទេសអាមេរិក គ្មានភាពសត្យានុម័ត ខ្វះនូវទិន្នន័យ និងខ្វះព័ត៌មាន។ ការចេញមកនិយាយដោយគ្មានការពិតបែបនេះ កម្ពុជាចាត់ទុកជារឿងដែលហួសចិត្ដហើយអាមេរិកមិនបានធ្វើជាគំរូដល់បណ្ដាប្រទេសផ្សេងទៀតក្នុងការអនុវត្ដលើបញ្ហាសិទ្ធិមនុស្សទេ។ តាមពិតអាមេរិកខ្លួនឯងទេ ដែលមិនបានលើកយកការរំលោភបំពានសិទ្ធិមនុស្សក្នុងប្រទេសខ្លួនមកបញ្ជាក់នៅក្នុងរបាយការណ៍។ ក្រសួងការបរទេសកម្ពុជាធ្លាប់បានរម្លឹកដល់សហរដ្ឋអាមេរិកពីហេតុការណ៍ប្រវត្ដិសាស្ដ្រ ដែលអាមេរិកបានទម្លាក់គ្រាប់បែកក្នុងដែនអធិបតេយ្យកម្ពុជានៅអំឡុងទសវត្សទី៧០ បណ្ដាលឱ្យពលរដ្ឋកម្ពុជាជាច្រើនរងគ្រោះ និងចាត់ទុកនោះជាបំណុលសីលធម៌ដែលអាមេរិកជំពាក់កម្ពុជា។ ជុំវិញការចេញរបាយការណ៍ស្ដីពីការគោរពសិទ្ធិមនុស្សឆ្នាំ២០២១នេះទៀតសោត ក៏ធ្លាប់មានមតិមួយចំនួនចាត់ទុកថាអាមេរិកយកការងារនេះដើម្បីជាលេសជ្រៀតជ្រែកលើកិច្ចការផ្ទៃក្នុងរបស់ប្រទេសដទៃប៉ុណ្ណោះ។ប៉ុន្មានឆ្នាំចុងក្រោយនេះ រាប់ចាប់តាំងពីសង្គ្រាមនៅអ៊ីរ៉ាក់ អាហ្វហ្កានីស្ថានស៊ីរី រហូតដល់បដិវត្តន៍ពណ៌ដែលកើតមាននៅអឺរ៉ុបខាងកើត និងតំបន់បាល់កង់ អាមេរិកបានប្រើប្រាស់សិទ្ធិមនុស្សជាអាវុធ បង្កគ្រោះមហ្តរាយខាងមនុស្សធម៌ជាច្រើន។ បើតាមលោកRodriguez រដ្ឋមន្ត្រីការបរទេសនៃប្រទេសគុយបាបានថ្លែងថា អាមេរិកញុះញង់និងគំរាមកំហែងប្រទេសដែលមិនស្តាប់ការបញ្ជារបស់ក្រុងវ៉ាស៊ីនតោន ដែលបាននិងកំពុងប្រើសិទ្ធិមនុស្សឱ្យក្លាយជាឧបករណ៍ម្យ៉ាង។ ជារួមសម្រាប់កម្ពុជា ក្រសួងការបរទេសបានឆ្លើយតបនឹងរបាយការណ៍អាមេរិកមុនៗហើយថា ជារបាយការណ៍ដែលជ្រើសយកតែជ្រុងមួយមកធ្វើជាអាវុធរិះគន់តែប៉ុណ្ណោះ។ ចំពោះកម្ពុជានៅតែបន្ដអនុវត្ដប្រជាធិបតេយ្យ ដែលស្របទៅតាមរដ្ឋធម្មនុញ្ញដោយឥតងាករេ។ គួរជម្រាបជូនថា របាយការណ៍របស់ក្រសួងការបរទេសអាមេរិកស្ដីពីការគោរពសិទ្ធិមនុស្សឆ្នាំ២០២១ បានវាយតម្លៃទៅលើការគោរពសិទ្ធិមនុស្សរបស់ប្រទេសនិងដែនដីប្រមាណជិត២០០ ដោយក្នុងនោះក៏មានកម្ពុជាផងដែរ៕អត្ថបទដោយ: theothertruth

M	T	W	T	F	S	S
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30

សម្តេចតេជោ ៖ កម្ពុជា-អ៊ីស្រាអែល នឹងអាចពង្រីកប្រតិបត្តិការ ទៅកាន់វិស័យ មានសក្តានុពល

ធនាគារពិភពលោក ៖ ការបង្កើនម៉ោងសិក្សា កម្ពុជាអាចផ្តល់ឱកាស ឱ្យកុមារទទួលបានការអប់រំ កាន់តែប្រសើរឡើង

ក្រសួងបរិស្ថាន និង EU ជំរុញការគ្រប់គ្រង សំណល់ប្លាស្ទិក តាមរយៈគម្រោងប្លាស្ទិកឆ្លាតវៃកម្ពុជា

News

អាមេរិក គួរតែ​ដោះស្រាយ ​ស្ថានការណ៍​សិទ្ធិមនុស្ស ​ដែល​កាន់តែ​យ៉ាប់យ៉ឺន​របស់ខ្លួន​ដោយ​ស្មោះស្ម័គ្រ

កងទ័ពរុស្ស៊ី ចាប់ផ្ដើមវាយប្រហារតំបន់ដុនបាស ដែលជាប្រតិបត្ដិការយោធា ដំណាក់កាលទី២

ប្រមុខយូអិន អំពាវនាវជាថ្មីម្ដងទៀត ឲ្យមានបទឈប់បាញ់មនុស្សធម៌ជាបន្ទាន់ នៅអ៊ុយក្រែន

ដែនជម្រកសត្វព្រៃ ភ្នំណាមលៀរ កំពុងសិក្សាដើម្បីស្នើដាក់បញ្ចូល ក្នុងបញ្ជីសួនភូគព្ភសាស្ត្រនៃ UNESCO

អ៊ីរ៉ង់ ចេញការប្រកាសព្រមាន ប្រើប្រាស់យោធា ប្រឆាំងនឹងអ៊ីស្រាអ៊ែល

ព្រឹទ្ធសភា នឹងបន្ដពិនិត្យឲ្យយោបល់ លើសេចក្តីព្រាងច្បាប់ ស្តីពី ការការពាររុក្ខជាតិ និងភូតគាមអនាម័យ

ក្រសួងធនធានទឹក ប្រកាសឲ្យពលរដ្ឋប្រយ័ត្ន ចំពោះបាតុភូតធម្មជាតិ កើតឡើងជាយថាហេតុ ពីថ្ងៃ២0-២៦មេសា

Update: ប៉ង់តាហ្គោន មានបំណងចង់ផ្តល់ការហ្វឹកហ្វឺន ជូនយោធាអ៊ុយក្រែន ក្នុងការប្រើប្រាស់ អាវុធមួយចំនួន របស់ខ្លួន

លោក Erdogan៖ វិបត្តិនៅអ៊ុយក្រែន បានបង្ហាញអំពីតម្លៃ របស់តួកគី សម្រាប់លោកខាងលិច

Update: លោក Zelensky៖ សង្គ្រាមប្រយុទ្ធគ្នានៅ Donbass គឺចាប់ផ្តើមហើយ

Update: រុស្ស៊ី បំផ្លាញបានទីតាំងរោងចក្រជួសជុល និងតម្លើងមីស៊ីលចំងាយឆ្ងាយមួយ របស់អ៊ុយក្រែន

ចាប់ខ្លួនមន្ត្រីយោធាផ្កាយ២ ម្នាក់ និង ស្រីស្នេហ៍ពាក់ព័ន្ធបទល្មើស ឆបោកប្រាក់ជិត ៤០ ម៉ឺនដុល្លារ

លោក John Bolton ថា អាមេរិក គួរតែដាក់កងទ័ពរបស់ខ្លួន នៅលើកោះតៃវ៉ាន់

ឃាត់ខ្លួន មុខសញ្ញាប្រើប្រាស់ និងចែកចាយគ្រឿងញៀន១៨នាក់ និង រឹបអូសបានគ្រឿងញៀន ១៦កព្ចាប់ នៅខេត្តកំពង់ចាម

អភិបាលខេត្តកំពង់ចាម ចុះពិនិត្យវឌ្ឍនភាព នៃការស្ថាបនាផ្លូវបេតុង ជាង ២០០០ម៉ែត្រ ក្នុងសង្កាត់បឹងកុក

Update: រូបថតឆេះលិច របស់នាវាផ្ទុកមីស៊ីលប្រវែង ១៨៦ ម៉ែត្រ របស់រុស្ស៊ី ត្រូវបានបញ្ចេញ ជាលើកដំបូង នៅលើអិនធ័រណិត

អ៊ុយក្រែន ស្នើសុំលុយ ៥០ពាន់លានដុល្លារពីប្រទេស G7

បទវិភាគ ៖ ការអភិវឌ្ឍ វិស័យអវកាស របស់ចិន បានឡើងដល់ កម្រិតថ្មីថែមទៀត

លោកXi Jinping៖ ស្រឡាញ់ប្រជាជន ដូចស្រឡាញ់ឳពុកម្តាយ របស់ខ្លួនអញ្ចឹង

សង្ក្រាន្តកម្ពុជា៣ថ្ងៃ នៅសៀមរាប មានភ្ញៀវទេសចរ ចូលរួមភ្លូកទឹកភ្លូកដី សប្បាយអស់ស្ទះ

ណាតូ ត្រូវការមូលដ្ឋាននៅ ព្រំដែនភាគខាងកើត ដើម្បីទប់ទល់នឹងរុស្ស៊ី

លោក គីម ជុងអ៊ុន ចុះពិនិត្យការបាញ់ សាកល្បងអាវុធ ដឹកនាំយុទ្ធសាស្រ្ត ប្រភេទថ្មី

កូរ៉េខាងត្បូង-អាមេរិក ចាប់ផ្ដើម សមយុទ្ធរួម ខណៈមានការតវ៉ាយ៉ាង ខ្លាំងពីកូរ៉េខាងជើង

កម្ពុជាទាត់ចោលរបាយការណ៍ ស្ដីពី ការគោរពសិទ្ធិមនុស្សរបស់អាមេរិក ហើយថាជាការវាយតម្លៃតែមួយជ្រុង

ប្រតិទិន

ព័ត៌មានសេដ្ឋកិច្ច

ព័ត៌មានពេញនិយមក្នុងសប្តាហ៍នេះ

អ្នកនាំពាក្យអគ្គស្នងការនគរបាលជាតិ បដិសេធចំពោះវីដេអូបង្ហាញពីសមត្ថកិច្ច បំពានលើស្រ្តីវៀតណាម

សម្ដេចតេជោ ហ៊ុន សែន ចូល​បុណ្យសព ​​លោក​ អ៊ុន​ សិទ្ធា ​ចំនួន​ ៣០លានរៀល​

រថយន្តក្រុង២ជាន់ បើកធ្លាក់ចូលទឹក​ បង្កឲ្យស្លាប់​១៣នាក់

លឺសំឡេងផ្ទុះអាវុធនៅថៃ ពេលក្រុមអ្នកសង្កេតអាស៊ាន ចុះពិនិត្យ នៅច្រកច១ ឃុំថ្មដា

អាមេរិក និងអ៊ុយក្រែន កាត់បន្ថយផែនការ សន្តិភាព ២៨ ចំណុច មកត្រឹម ១៩ ចំណុច

សម្តេចតេជោ ត្រូវបានបោះឆ្នោត បន្តជាអនុប្រធាន CDI-IDC

ក្រុមការងារនឹងរំកិលធ្នឹមស្ពាន នៃគម្រោងស្ពាន ចាក់អង្រែក្រោម-ព្រែកប្រា , អ្នកដំណើរត្រូវរកផ្លូវវាង

អត្ថបទស្រាវជ្រាវ

អ្នកនាំពាក្យអគ្គស្នងការនគរបាលជាតិ បដិសេធចំពោះវីដេអូបង្ហាញពីសមត្ថកិច្ច បំពានលើស្រ្តីវៀតណាម

សម្ដេចតេជោ ហ៊ុន សែន ចូល​បុណ្យសព ​​លោក​ អ៊ុន​ សិទ្ធា ​ចំនួន​ ៣០លានរៀល​

រថយន្តក្រុង២ជាន់ បើកធ្លាក់ចូលទឹក​ បង្កឲ្យស្លាប់​១៣នាក់

អាមេរិក គួរតែដោះស្រាយ ស្ថានការណ៍សិទ្ធិមនុស្ស ដែលកាន់តែយ៉ាប់យ៉ឺនរបស់ខ្លួនដោយស្មោះស្ម័គ្រ

សម្ដេចតេជោ ហ៊ុន សែន ចូលបុណ្យសព លោក អ៊ុន សិទ្ធា ចំនួន ៣០លានរៀល

រថយន្តក្រុង២ជាន់ បើកធ្លាក់ចូលទឹក បង្កឲ្យស្លាប់១៣នាក់

សម្ដេចតេជោ ហ៊ុន សែន ចូលបុណ្យសព លោក អ៊ុន សិទ្ធា ចំនួន ៣០លានរៀល

រថយន្តក្រុង២ជាន់ បើកធ្លាក់ចូលទឹក បង្កឲ្យស្លាប់១៣នាក់