ព័ត៌មានអន្តរជាតិ
បទវិភាគ៖ មិនថាលីទុយអានី បង្ករឿងហេតុយ៉ាងណាក៏ដោយ នឹងធ្វើឱ្យខ្លួនឯងរង ការខូចខាតយ៉ាងដំណំ
នាពេលថ្មីៗកន្លងទៅនេះ តាមការផ្សាយដំណឹងនៃ ប្រព័ន្ធសារព័ត៌មានជាច្រើន ដូចជាទីភ្នាក់ងារសារព័ត៌មានរ៉យទ័រ ជាដើមបានឱ្យដឹងថា ដោយសារតែអ្នកនយោបាយលីទុយអានី បានបង្ករឿងហេតុចំពោះគោលការណ៍ចិនតែមួយ បានជាបណ្តាលឱ្យទំនាក់ទំនង ជាមួយប្រទេសចិនមានភាពតានតឹង ក៏ដូចជាបណ្តាលឱ្យសហគ្រាសលីទុយអានី និងសហគ្រាសដែលវិនិយោគទុន ដោយបណ្តាប្រទេសសហភាពអឺរ៉ុប បានទទួលរងការខាតបង់យ៉ាងខ្លាំងផងដែរ ។ ឥស្សរជននៃមជ្ឈដ្ឋាន ពាណិជ្ជកម្មប៉ាន់ប្រមាណថា ការខូចខាតដល់អាជីវកម្មទាំងមូល បានឡើងដល់រាប់រយលានប្រាក់អឺរ៉ូ ។ នាពេលបច្ចុប្បន្ននេះ សហគ្រាសជាច្រើនកំពុងទទួលរងផលវិបាកពីសំណាក់ អ្នកនយោបាយលីទុយអានី ដែលបង្ករឿងហេតុទាំងនោះ ហើយពួកគេបាននាំគ្នាដាស់តឿន រដ្ឋាភិបាលលីទុយអានីឱ្យ កែលម្អទំនាក់ទំនងជាមួយប្រទេសចិនក្នុងពេលឆាប់ៗ ។ សូមបញ្ជាក់ថា កាលពីខែវិច្ឆិកា ឆ្នាំ ២០២១ រដ្ឋាភិបាលលីទុយអានីមិនអើពើ នឹងការប្រឆាំងតវ៉ាយ៉ាងខ្លាំង និងការដាស់តឿនជាច្រើន លើករបស់ប្រទេសចិន ហើយបានអនុញ្ញាតឱ្យអាជ្ញាធរ តៃវ៉ាន់បង្កើតអ្វីដែលហៅថា ”ទីស្នាក់ការតៃវ៉ាន់ប្រចាំលីទុយអានី” ។ ទង្វើដ៏អាក្រក់របស់ភាគីលីទុយអានី បែបនេះបានល្មើសនឹងគោលការណ៍ប្រទេសចិនតែមួយយ៉ាងគឃ្លើន និងជ្រៀតជ្រែកកិច្ចការផ្ទៃក្នុង...
