អត្ថបទស្រាវជ្រាវ (scholar)

លោក Xi Jinping ថ្លែងសុន្ទរកថា គន្លឹះតាមប្រព័ន្ធវីដេអូ នៅក្នុងកិច្ចប្រជុំថ្នាក់ដឹកនាំ វិស័យពាណិជ្ជកម្ម និងឧស្សាហកម្ម នៃអង្គការ កិច្ចសហប្រតិបត្តិការ សេដ្ឋកិច្ចអាស៊ីប៉ាស៊ីហ្វិក

    ថ្ងៃទី​១១ ខែវិច្ឆិកា ​លោក ​Xi Jinping ​ប្រធានរដ្ឋ​ចិន​បាន​ថ្លែង​សុន្ទរកថា​ គន្លឹះ​ក្រោម​​ប្រធានបទ​ «ប្រកាន់​ខ្ជាប់​ការ​អភិវឌ្ឍ​ជា​និរន្តរភាព​ ​រួមគ្នា​កសាង​សហគមន៍​រួម​វាសនា​តែ​មួយ​នៃ​តំបន់​អាស៊ី​ប៉ាស៊ីហ្វិក​»​ តាម​ប្រព័ន្ធ​វីដេអូ​នៅ​ក្នុង​កិច្ចប្រជុំ​ថ្នាក់​ដឹកនាំ​វិស័យ​​ឧស្សាហកម្ម​និង​ពាណិជ្ជកម្ម​នៃ​អង្គការ​កិច្ចសហប្រតិបត្តិការ​សេដ្ឋកិច្ច​អាស៊ី​ប៉ាស៊ីហ្វិក​នៅ​ទីក្រុង​ប៉េកាំង​។

លោក​បាន​លើកឡើងថា​ ​បច្ចុប្បន្ន ​ជំងឺកូវីដ​១៩​ នៅតែ​រីករាលដាល​នៅ​ទូទាំង​ពិភពលោក​ ​តំបន់អាស៊ីប៉ាស៊ីហ្វិក​គួរ​ទទួលបន្ទុក ​យុគសម័យ​យ៉ាងក្លាហាន ​ដើម្បីដើរតួនាទីណែនាំ​និងឈាន​ទៅរកគោលដៅ​រួម​នៃការកសាងសហគមន៍រួមវាសនាតែមួយនៃតំបន់អាស៊ីប៉ាស៊ីហ្វិក។

ការចេញ​ផុត​ពី​ជំងឺកូវីដ​១៩​ ​សម្រេច​ការ​ស្តារ​សេដ្ឋកិច្ច​ឡើង​វិញ​ ​ជា​ភារកិច្ច​ចម្បង​បំផុត​ដែល​តំបន់​អាស៊ីប៉ាស៊ីហ្វិក​កំពុង​ប្រឈមមុខ​។​ប្រឈម​មុខ​នឹង​បញ្ហា​​ពាក់​ព័ន្ធ​នឹង​អនាគតរបស់​មនុស្សជាតិ​ ​អង្គភាព​សេដ្ឋកិច្ចនានា​នៅ​តំបន់​អាស៊ីប៉ាស៊ីហ្វិក​និង​ឥស្សរជន​​នៃ​មជ្ឈដ្ឋាន​នានា​ត្រូវ​ប្រកាន់​ខ្ជាប់​ការ​តម្កល់ទុក​​ប្រជាជន​និង​អាយុជីវិត​​​ជា​អាទិភាព​ ផ្សព្វផ្សាយ​ស្មារតី​វិទ្យាសាស្ត្រ ​រួម​សាមគ្គីគ្នា ​ជួយ​គ្នា​ទៅ​វិញទៅមក​ ​ដើម្បី​យក​ឈ្នះ​លើ​ប្រយុទ្ធ​ប្រឆាំង​នឹង​ជំងឺ​កូវីដ​១៩​។

ភាគី​នានា​គួរតែ​បើក​ចិត្ត​ឱ្យ​ទូលាយ​និង​ក្តាប់​និន្នាការទូទៅ​។ការចែកបក្ឋពួក​តាម​មនោគមវិជ្ជ​និង​ភូមិសាស្ត្រនយោបាយ ​គឺគ្មានអនាគតទេ។​

អេកូបរិស្ថាន​ដ៏​ល្អ​ប្រសើរ​ជា​ផលិតផល​សាធារណៈ​មូលដ្ឋាន​បំផុត​និង​​មាន​អំណោយផល​បំផុតដល់​​សុភមង្គល​របស់​ប្រជាជន​។​​តំបន់​អាស៊ីប៉ាស៊ីហ្វិក​ត្រូវ​​ស្តារ​សេដ្ឋកិច្ច​ឡើង​វិញ​តាម​បែប​បៃតង ​ខិត​ខំ​ធ្វើ​ជា​អ្នក​នាំ​មុខ​នៃ​ការ​ឆ្លើយតប​នឹង​បម្រែបម្រួល​អាកាសធាតុ​តាម​បែប​វិទ្យាសាស្ត្រ​។

ផ្ទាំងពាណិជ្ជកម្ម

យើង​ត្រូវ​យល់​ដឹង​ឱ្យ​​ត្រឹមត្រូវ​នូវ​ទស្សនៈ​អភិវឌ្ឍន៍​ជា​និរន្តរភាព​ ​ប្រកាន់​ខ្ជាប់​ការ​តម្កល់​ទុក​ប្រជាជន​ជា​អាទិភាព​ ​សម្រួបសម្រួល​ការអភិវឌ្ឍ​សេដ្ឋកិច្ច ​ធានា​ដល់​ជីវភាពរស់​នៅ​ ​សន្សំសំចៃ​ថាមពល​និង​កាត់​បន្ថយ​ការ​បញ្ចេញ​កាបូន​​ ដើម្បី​ជំរុញ​ការ​ផ្លាស់ប្តូរ​ទៅ​ជា​រូបមន្ត​អភិវឌ្ឍន៍​បៃតង​ ​ហើយ​សម្រេច​ការ​អភិវឌ្ឍ​កាន់​តែ​ច្រើន​តាមរយៈ​ការ​ផ្លាស់ប្តូរ​ទៅ​ជា​រូបមន្ត​អភិវឌ្ឍន៍​បៃតង។

យើង​គួរ​បង្កើនការ​​ច្នៃប្រឌិត​ផ្នែក​បច្ចេកវិទ្យា​និង​របប​ ​បង្កើន​កិច្ចសហប្រតិបត្តិការ​ផ្នែក​ច្នៃប្រឌិតដោយ​បច្ចេកវិទ្យា​របស់​រដ្ឋសមាជិក​អាស៊ី​ប៉ាស៊ីហ្វិក​ ​ដើម្បី​បង្កើត​បរិយាកាស​ប្រកប​ដោយ​ការ​​បើក​ទូលាយ​ ​យុត្តិធម៌​ សច្ចធម៌​ និង​មិន​រើសអើង​សម្រាប់​ការអភិវឌ្ឍ​​បច្ចេកវិទ្យា​។

សកម្មភាពកាត់បន្ថយការបញ្ចេញកាបូនរបស់ប្រទេសចិនគឺជាការផ្លាស់ប្តូរសេដ្ឋកិច្ច​និង​សង្គមយ៉ាងស៊ីជម្រៅ។ទោះបីជាភារកិច្ចនេះពិបាកខ្លាំងក៏ដោយ ​ក៏យើងនឹងបន្តឈាន​ទៅ​មុខ​ដោយឥតឈប់ឈរ ​ដើម្បីរួមចំណែកដល់ការផ្លាស់ប្តូរទៅជារូបបន្តអភិវឌ្ឍន៍បៃតង​ជាសកល​។

ប្រទេស​ចិន​នឹង​ជំរុញ​កំណែ​ទម្រង់​និង​បើក​ទូលាយ​​ដោយ​មិន​ងាករេ​ ​ដើម្បី​ជួយ​ជំរុញ​ការ​អភិវឌ្ឍ​សេដ្ឋកិច្ច​ក្នុង​តំបន់​អាស៊ី​ប៉ាស៊ីហ្វិក​ ​ជំរុញ​ការ​ផ្លាស់បន្តូរ​ទៅ​ជា​រូបមន្ត​អភិវឌ្ឍន៍​បៃតង​ដោយ​គ្រប់ជ្រុងជ្រោយ​ ​ព្រមនិង​រួមចំណែក​ដល់​ការ​កសាង​អរិយធម៌​អេកូឡូស៊ី​នៅ​តំបន់​អាស៊ី​ប៉ាស៊ីហ្វិក​​និង​ទូទាំង​ពិភពលោក​ ​ក្នុង​ន័យ​ខិតខំ​ប្រឹងប្រែ​ជំរុញ​កិច្ចសហប្រតិបត្តិការ​ឈ្នះ-ឈ្នះ​ ​ដើម្បី​​រួម​ចំណែក​​ដល់​ការ​អភិវឌ្ឍសេដ្ឋកិច្ច​នៅ​តំបន់​អាស៊ី​ប៉ាស៊ីហ្វីក​។

To Top
×