បរទេស ៖ យោងតាមការចេញផ្សាយ របស់កាសែតបរទេស បានឲ្យដឹងថា នាវាដឹកប្រេងរបស់វៀតណាម នៅព្រឹកថ្ងៃពុធនេះ ត្រូវបានដោះលែងវិញហើយ
ដោយប្រទេសអ៊ីរ៉ង់ ដែលវានឹងអាចបញ្ចប់ទៅ នៃភាពតានតឹងដែនទឹក រវាងរដ្ឋាភិបាលក្រុងតេហរ៉ង់ ជាមួយនឹងរដ្ឋាភិបាល នៃប្រទេសបណ្តាមហាអំណាច
អំពីបញ្ហាកម្មវិធីនុយក្លេអ៊ែរ ។
នាវាដឹកប្រេង ដែលមានឈ្មោះថា Sothys ត្រូវបានគេមើលឃើញថា បានចាកចេញពីផែ Bandar Abbas នៃប្រទេសអ៊ីរ៉ង់និង បានធ្វើដំណើរមកដល់
ដែនទឹករបស់អន្តរជាតិ កាលពីព្រឹកព្រលឹមថ្ងៃពុធនេះ ត្រង់ចំណុចដែនសមុទ្រ នៃប្រទេសអូម៉ង់ នេះបើយោងតាមការបញ្ជាក់ របស់ MarineTraffic.com។
អ្នកនាំពាក្យរបស់អ៊ីរ៉ង់លោក Shahrokh Nazemi សម្រាប់កិច្ចការងារនៅអង្គការ សហប្រជាជាតិ បានថ្លែងប្រាប់ទៅកាន់ ក្រុមអ្នកកាសែតថានាវា Sothys បានចាកចេញ ពីដែនសមុទ្រ នៃប្រទេសអ៊ីរ៉ង់តាំងតែពីយប់ថ្ងៃអង្គារ និងបន្តការងារដឹកទំនិញ របស់ខ្លួនជាធម្មតាហើយ៕
ប្រែសម្រួល៖ស៊ុនលី
