បរទេស៖ លោក Josep Borrell អ្នកតំណាងជាន់ខ្ពស់ របស់សហភាពអឺរ៉ុប ទទួលបន្ទុកកិច្ចការបរទេស គឺនឹងជំរុញឱ្យ រដ្ឋជាសមាជិក អឺរ៉ុប រៀបចំថវិកាបន្ថែមទៀត ដើម្បីគ្របដណ្តប់ លើជំនួយយោធា ដែលប្រសើរឡើង សម្រាប់អ៊ុយក្រែន។ អ្នកការទូតកំពូលរូបនេះ បានចែករំលែក ផែនការ របស់លោកជាមួយអ្នកសារព័ត៌មាន នៅឯកិច្ចប្រជុំកំពូល សហភាពអឺរ៉ុប ក្រៅផ្លូវការ នៅទីក្រុង Prague កាលពីថ្ងៃសុក្រ។
យោងតាមសារព័ត៌មាន RT ចេញផ្សាយនៅថ្ងៃទី៧ ខែតុលា ឆ្នាំ២០២២ បានឱ្យដឹងថា លោក Borrell បាននិយាយថា “ខ្ញុំនឹងស្នើឱ្យមេដឹកនាំគាំទ្រ សំណើរ សម្រាប់កន្លែងថ្មី សម្រាប់កន្លែងសន្តិភាពអ៊ឺរ៉ុប ដើម្បីបន្តផ្តល់ការគាំទ្រ ផ្នែកយោធាដល់អ៊ុយក្រែន ក៏ដូចជាបេសកកម្ម ហ្វឹកហ្វឺនផងដែរ” ។
កាលពីដើមសប្តាហ៍នេះ លោក Borrell បានសម្តែងក្តីសង្ឃឹមថា នៅឯកិច្ចប្រជុំក្រុមប្រឹក្សា កិច្ចការបរទេស បន្ទាប់នៅថ្ងៃទី ១៧ ខែតុលា សហភាពអឺរ៉ុបនឹងអាច “ចាប់ផ្តើម” ជាផ្លូវការនូវបេសកកម្ម ហ្វឹកហ្វឺនរបស់ខ្លួន សម្រាប់កងកម្លាំងប្រដាប់អាវុធ អ៊ុយក្រែន។ ដោយសរសេរនៅក្នុងប្លុករបស់ខ្លួន អ្នកការទូតអឺរ៉ុបរូបនេះ ក៏បានអះអាងផងដែរថា EU នឹង “ពង្រឹង” យុទ្ធសាស្រ្តរបស់ខ្លួន ក្នុងការជួយអ៊ុយក្រែន ទាំង “យោធា ហិរញ្ញវត្ថុ និងនយោបាយ”៕
ប្រែសម្រួលៈ ណៃ តុលា
