ប៉េកាំង៖ ប្រទេសចិន បានថ្កោលទោសការធ្វើដំណើរ របស់អតីតនាយករដ្ឋមន្ត្រីអង់គ្លេស លោកស្រី Liz Truss ទៅកាន់កោះតៃវ៉ាន់ ដោយថាសម្រាប់ បម្រើប្រយោជន៍នយោបាយរបស់ ចក្រភពអង់គ្លេស ក្នុងការប្រើប្រាស់តៃវ៉ាន់ ដើម្បីទាក់ទាញការយកចិត្តទុកដាក់ គឺសំដៅលើការបម្រើផលប្រយោជន៍ នយោបាយអាត្មានិយម។
អ្នកនាំពាក្យក្រសួងការបរទេសចិន លោក Wang Wenbin បានធ្វើការកត់សម្គាល់នេះ នៅក្នុងសន្និសីទសារព័ត៌មានប្រចាំថ្ងៃ នៅពេលដែលត្រូវបានស្នើសុំឱ្ យធ្វើអត្ថាធិប្បាយលើសំណួរពាក់ព័ន្ធមួយ។
លោកបានលើកឡើងថា “តៃវ៉ាន់ គឺជាផ្នែកដែលមិនអាចកាត់ផ្តាច់បាន នៃទឹកដីរបស់ប្រទេសចិន។ ជំហររបស់ចិន ចំពោះសំណួរតៃវ៉ាន់ គឺស្រប និងច្បាស់លាស់។ សម្រាប់នយោបាយរបស់ចក្រភពអង់គ្លេស ការប្រើតៃវ៉ាន់ ដើម្បីទាក់ទាញការយកចិត្តទុកដាក់ គឺសំដៅលើការបម្រើផល ប្រយោជន៍នយោបាយអាត្មានិយម” ។
ប្រទេសចិន បានកត់សម្គាល់ឃើញថាការធ្វើដំណើររបស់ លោកស្រី Truss បានទាក់ទាញការរិះគន់យ៉ាងខ្លាំងក្លានៅទូទាំង ចក្រភពអង់គ្លេសដែលថាការធ្វើដំណើរនេះគឺ “ដំណើរការ” ហើយសមាជិកសភា ដែលគ្មានការទទួលខុសត្រូវ សម្រាប់ South West Norfolk កំពុងធ្វើឱ្យប្រទេសរបស់លោកស្រី មានការរំខានមួយផ្សេងទៀត។
អាជ្ញាធរគណបក្សវឌ្ឍនភាពប្រជាធិបតេយ្យ (DPP) របស់តៃវ៉ាន់កំពុងចាយវាយលុយអ្នកបង់ពន្ធតៃវ៉ាន់ ដើម្បីបញ្ចូលខ្លួនជាមួយនាយករដ្ឋមន្ត្រី ដែលកាន់តំណែងខ្លីបំផុតក្នុងប្រវត្តិសាស្ត្រអង់គ្លេស។ នេះមិនមែនជាទង្វើនៃ “សេចក្តីស្រឡាញ់” សម្រាប់តៃវ៉ាន់នោះទេ។ គេលក់តៃវ៉ាន់ទៅឆ្ងាយហើយ លោក Wang បានកត់សម្គាល់ថា ការព្យាយាមស្វែងរកឯករាជ្យ និងបង្ករឿងជាមួយកម្លាំង ខាងក្រៅនឹងមិនជោគជ័យឡើយ៕
ប្រែសម្រួល ឈូក បូរ៉ា
