កោះតៃវ៉ាន់ រាយការណ៍ពីវត្តមាន នាវាផ្ទុកយន្តហោះចម្បាំងចិន ធ្វើដំណើរក្បែរច្រកសមុទ្រ

បរទេស៖ ក្រសួងការពារជាតិនៃកោះតៃវ៉ាន់ កាលពីថ្ងៃពុធម្សិលមីញនេះ បានអះអាងថា នាវាផ្ទុកយន្តហោះចម្បាំងដ៏ទំនើបមួយរបស់ចិន បានធ្វើដំណើរកាន់តែច្រកសមុទ្រ ដែលកំពុងមានភាពតានតឹងរវាងគ្នា។

យោងតាមការចេញផ្សាយរបស់ VOA News បានឲ្យដឹងថា នាវានោះបានធ្វើដមណើរតាមច្រកសមុទ្រ ភាគខាងត្បូងឆ្លងកាត់ទៅភាគខាងលិច នៃច្រកសមុទ្រហើយជាការឆ្លើយតបកោះតៃវ៉ាន់ ក៏បានបញ្ជូនកម្លាំងរបស់ខ្លួនទៅតាមឃ្លាំមើល សកម្មភាពរបស់នាវាចម្បាំងមួយនេះផងដែរ។

គួរឲ្យដឹងដែរថា នាវាផ្ទុកយន្តហោះចម្បាំងនេះ បានចូលរួមនៅក្នុងសមយុទ្ធយោធា របស់ប្រទេសចិនជាច្រើនដងមកហើយ និងក្បែរដែនកោះតៃវ៉ាន់តាំងតែពីខែមេសាមកម្ល៉េះ និងក៏ជានាវាសម្រាប់ប្រតិបត្តិការ នៅក្នុងដែនសមុទ្រប៉ាស៊ីហ្វិកខាងលិចផងដែរ។

កាលពីខែមិនាឆ្នាំទៅនាវាចម្បាំងនេះ បានធ្វើដំណើរឆ្លងកាត់ម្តងដែរ តាមច្រកសមុទ្រកោះតៃវ៉ាន់ពោល គឺតែប៉ុន្មានម៉ោងមុននៃជំនួបរវាងមេដឹកនាំចិន និងសហរដ្ឋអាមេរិក៕

ប្រែសម្រួល៖ ស៊ុន លី