ភ្នំពេញ៖ ក្រុមហ៊ុន ខ្មែរ ប៊ែវើរីជីស បានចូលរួមឧបត្ថម្ភទឹកប្រាក់ ១ម៉ឺនដុល្លារ សម្រាប់ការប្រកួតកីឡាទាញព្រ័ត្រ និងកីឡាកាច់ដៃ ដើម្បីជ្រើសរើសជើងឯកថ្នាក់ជាតិ ២០២៣ មានកីឡាករសរុប ២២៤នាក់ ដោយការប្រកួតមានរយៈពេល ៣ថ្ងៃចាប់ពីថ្ងៃទី១៣ រហូតដល់ថ្ងៃទី ១៥ ខែកក្កដា នៅរង្វង់មូលសុវណ្ណមច្ឆា។
កីឡាទាញព្រ័ត្រ ត្រូវបានអង្គការ UNESCO ដាក់បញ្ជូលក្នុងបញ្ជីបេតិកភណ្ឌវប្បធម៌អរូបី របស់មនុស្សជាតិក្នុងឆ្នាំ ២០១៥ មកម្លេះ ហើយក្រុមហ៊ុន ខ្មែរ ប៊ែវើរីជីស សូមអបអរសាទរកីឡាករ ដែលបានឈ្នះរង្វាន់មេដាយមាស ក្នុងឆ្នាំ ២០២៣ មានដូចជា៖ ខេត្តបាត់ដំបងទទួលបានមេដាយមាស ចំនួន ២គ្រឿង, ខេត្តស្វាយរៀង ១គ្រឿង, និង កងទ័ពជើងទឹក ១គ្រឿង។
គួរបញ្ជាក់ផងដែរថា នេះមិនមែនជាលើកទីមួយទេ ដែលក្រុមហ៊ុន ខ្មែរ ប៊ែវើរីជីស រួមចំណែកលើកស្ទួយវិស័យកីឡានៅកម្ពុជា ក្នុងចក្ខុវិស័យដ៏ច្បាស់លាស់មួយ ក្នុងនាមកម្ពុជាគាំទ្រកម្ពុជា ដើម្បីឲ្យកីឡាករខ្មែរ បានប្រកួតលើឆាកអន្តរជាតិ កសាងកេរ្តិ៍ឈ្មោះឲ្យពិភពលោក បានស្គាល់ ហើយការឧបត្ថម្ភរបស់ ក្រុមហ៊ុន ខ្មែរ ប៊ែវើរីជីស មួយនេះគឺពិតជាសំខាន់ ព្រោះវាជាការរួមចំណែកដ៏ធំ សម្រាប់ហ្វឹកហាត់កីឡាករទាញ់ព្រ័ត្រ និងកីឡាកាច់ដៃរបស់ខ្មែរ សម្រាប់ចូលរួមប្រកួតកីឡា SEA Games 2025 នៅប្រទេសថៃ។
រូបភាព៖ ក្រុមហ៊ុន ខ្មែរ ប៊ែវើរីជីស
