សាន់ហ្វ្រាន់ស៊ីស្កូ៖ ប្រធានាធិបតីចិន លោក ស៊ី ជីនពីង បានឲ្យដឹងថា ដូចគ្នានឹងការគោរពគ្នាទៅវិញទៅមក គឺជាក្រមសីលធម៌ជាមូលដ្ឋានសម្រាប់បុគ្គល វាជាមូលដ្ឋានគ្រឹះ សម្រាប់ទំនាក់ទំនងចិន-អាមេរិក។ ទ
លោក ស៊ី បានឲ្យដឹងនៅក្នុងពិធីជប់លៀងស្វាគមន៍ដោយអង្គការមិត្តភាពនៅសហរដ្ឋអាមេរិកថា “សហរដ្ឋអាមេរិក មានលក្ខណៈពិសេសតែមួយគត់នៅក្នុងប្រវត្តិសាស្រ្ត វប្បធម៌ និងទីតាំងភូមិសាស្រ្តរបស់ខ្លួន ដែលបានកំណត់ផ្លូវអភិវឌ្ឍន៍ និងប្រព័ន្ធសង្គម។ យើងគោរពយ៉ាងពេញលេញនូវអ្វីៗទាំងអស់នេះ” ។
លោកបានលើកឡើងថា មាគ៌ានៃសង្គមនិយមដែលមានចរិតលក្ខណៈចិន ត្រូវបានរកឃើញក្រោមការណែនាំនៃទ្រឹស្តីសង្គមនិយមបែបវិទ្យាសាស្ត្រ ហើយត្រូវបានចាក់ឫសតាមទំនៀមទម្លាប់នៃអរិយធម៌ចិនដែលមានប្រវត្តិមិនឈប់ឈរជាង ៥០០០ ឆ្នាំមកហើយ។
លោកបន្ថែមថា “យើងមានមោទនភាព ចំពោះជម្រើសរបស់យើង ដូចដែលអ្នកមានមោទនភាពចំពោះរបស់អ្នក។ មាគ៌ារបស់យើងខុសគ្នា ប៉ុន្តែទាំងពីរ គឺជាជម្រើសរបស់ប្រជាជនរបស់យើង ហើយទាំងពីរនេះនាំទៅរកការសម្រេចបាននូវតម្លៃរួមរបស់មនុស្សជាតិ។ ពួកគេគួរតែត្រូវបានគេគោរពទាំងពីរ”៕ ប្រែសម្រួល ឈូក បូរ៉ា
