បរទេស៖ យោងតាមការចេញផ្សាយរបស់ RT អតីតប្រធានាធិបតីអាមេរិក លោក Donald Trump និយាយថា គាត់នឹងមិនបញ្ហាទេ ជាមួយនឹងការជាប់ពន្ធនាគារ ឬត្រូវបានឃុំខ្លួនក្នុងផ្ទះ ជុំវិញការកាត់ទោសរបស់គាត់ចំនួន៣៤ពីបទក្លែងបន្លំកំណត់ត្រាអាជីវកម្ម។
នៅក្នុងសេចក្តីថ្លែងការណ៍របស់លោកចុងក្រោយនេះផងដែរលោកក៏បានបន្ថែមថា ទោះជាយ៉ាងណាការដាក់ទោសណាមួយទំនងជាមិនត្រូវបានគេយកមកបំភ្លឺដោយសាធារណជនឡើយ។
អតីតប្រធានាធិបតីរូបនេះបានធ្វើការលើកឡើងនេះនៅក្នុងបទសម្ភាសន៍ជាមួយសារព័ត៌មាន Fox News ដែលបានចាក់ផ្សាយកាលពីថ្ងៃអាទិត្យ។ នៅពេលសួរអំពីការដាក់ទណ្ឌកម្មដ៏មានសក្ដានុពល លោក Trump បាននិយាយថា លោកនឹងមិនមានបញ្ហាជាមួយនឹងរឿងនេះទេ ។
លោក Trump បានរំលឹកឡើងវិញនូវករណីរបស់គាត់ប្រឆាំងនឹងគាត់ទាក់ទងនឹងការចោទប្រកាន់ថាបានបង់ប្រាក់ ស្ងាត់ៗ ដល់តារាសម្តែងអាសអាភាស Stormy Daniels បន្ទាប់ពីការបោះឆ្នោតឆ្នាំ២០១៦ និងឯកសារក្លែងបន្លំដើម្បីលាក់ពួកគេដោយច្រានចោលថាវាជាការធ្វើទុក្ខបុកម្នេញដោយហេតុផលនយោបាយជាដើម៕ ប្រែសម្រួល៖ស៊ុនលី
