ម៉ូស្គូ៖ អនុរដ្ឋមន្ត្រីការបរទេសរុស្ស៊ីលោក Andrey Rudenko ត្រូវបានដកស្រង់សម្តីដោយទីភ្នាក់ងារសារព័ត៌មាន TASS នៅថ្ងៃសុក្រនេះថា ប្រទេសរុស្ស៊ី មិនឃើញឱកាសនៃការបន្តការចរចា សន្ធិសញ្ញាសន្តិភាពជាមួយប្រទេសជប៉ុននោះទេ ដោយសារតែជំហរប្រឈមមុខ ដាក់គ្នារបស់ទីក្រុងតូក្យូ។
លោក Rudenko បានឲ្យដឹងនៅក្នុងបទសម្ភាសន៍ជាមួយ Izvestia ប្រចាំថ្ងៃរបស់រុស្សីថា “សកម្មភាពយោធាបង្កហេតុរួមគ្នាជាមួយសហរដ្ឋអាមេរិក និងប្រទេសសមាជិកណាតូផ្សេងទៀត កំពុងបង្ហាញឱ្យឃើញពីការកើនឡើង នៃឆ្នេរសមុទ្រភាគខាងកើតរបស់យើង។ “នៅក្នុងលក្ខខណ្ឌបែបនេះ យើងមិនឃើញឱកាសណាមួយ ដើម្បីបន្តកិច្ចពិភាក្សាជាមួយទីក្រុងតូក្យូ លើការបញ្ចប់ឯកសារជាមូលដ្ឋាន ដែលមានបំណងក្លាយជាមូលដ្ឋាន សម្រាប់ទំនាក់ទំនងល្អជាមួយ អ្នកជិតខាងរយៈពេលវែងនោះទេ។”
លោក Rudenko បានលើកឡើងថា ចាប់តាំងពីការចាប់ផ្តើមប្រតិបត្តិការ យោធាពិសេសរបស់រុស្ស៊ីក្នុងខែកុម្ភៈ ឆ្នាំ២០២២ រដ្ឋាភិបាលជប៉ុនបានបន្តគោលនយោបាយ រុះរើទំនាក់ទំនងទ្វេភាគី ដែលត្រូវបានកសាងឡើងតាមរយៈ ការខិតខំប្រឹងប្រែងទៅវិញទៅមក ជាច្រើនទសវត្សរ៍មកហើយ នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
លោក Rudenko បានបន្ថែមថា “ការធ្វើឱ្យមានប្រក្រតីភាពនៃកិច្ចសន្ទនា អន្តររដ្ឋាភិបាលគឺមិនអាចទៅរួចទេ បើគ្មានជំហានជាក់ស្តែងជាក់ស្តែងពីទីក្រុងតូក្យូ ដើម្បីបោះបង់គោលនយោបាយប្រឆាំងរុស្ស៊ី ដែលជាអរិភាពរបស់ខ្លួន ដែលនាំទៅដល់ការបំផ្លាញទំនាក់ទំនងរបស់យើង និងការកើនឡើងនៃភាពតានតឹង នៅក្នុងតំបន់អាស៊ីប៉ាស៊ីហ្វិក” ៕
ប្រែសម្រួល ឈូក បូរ៉ា
