បរទេស ៖ យោងតាមការចេញ ផ្សាយរបស់ RT លោកប្រធានាធិបតីអ៊ុយក្រែន Vladimir Zelensky បានទទួលស្គាល់ថា អ៊ុយក្រែននឹងមិនមានយោធា ដែលចាំបាច់ ដើម្បីដណ្តើម យកតំបន់ Crimea មកវិញដោយកម្លាំងនោះទេ ខណៈដែលឧបទ្វីបនេះ បានចូលរួមជាមួយរុស្ស៊ី ក្នុងឆ្នាំ២០១៤ បន្ទាប់ពីការធ្វើប្រជាមតិ។
ការបោះឆ្នោតនេះត្រូវបានធ្វើឡើង បន្ទាប់ពីមានរដ្ឋប្រហារ ដែលគាំទ្រ ដោយលោកខាងលិច ក្នុងទីក្រុងគៀវកាលពីដើមឆ្នាំនោះ ហើយចំពេលមានការភ័យខ្លាច នៃការបង្ខំឱ្យ អ៊ុយក្រែន ធ្វើជាតំបន់និយាយភាសារុស្សី លើសលុប ។ កន្លងមកអ៊ុយក្រែន បានបន្តទាមទារអធិបតេយ្យភាព លើគ្រីមេ Crimea ដោយប្តេជ្ញាម្តងហើយម្តងទៀតថានឹងយកវាមកវិញ។
កាលពីថ្ងៃសុក្រ Interfax-Ukraine បានដកស្រង់សម្តីលោក Zelensky ថា ៖វាជាការពិតដែលប្រធានាធិបតី Trump បាននិយាយ… ថាអ៊ុយក្រែនមិនមានអាវុធគ្រប់គ្រាន់ ដើម្បីគ្រប់គ្រងឧបទ្វីបគ្រីមៀឡើងវិញ ដោយកម្លាំងបានទេ ។
មេដឹកនាំអ៊ុយក្រែនរូបនេះ បានសម្តែងក្តីសង្ឃឹមថា ទណ្ឌកម្មបន្ថែមទៀត និងសម្ពាធការទូតលើរុស្ស៊ី នឹងអំណោយផល ដល់ការពិភាក្សា នាពេលអនាគតលើ បញ្ហាទឹកដី ប៉ុន្តែបន្ទាប់ពីទីក្រុងគៀវ និងមូស្គូបានចុះហត្ថលេខា បទឈប់បាញ់មួយជាមុនសិន។
នៅក្នុងបទសម្ភាសន៍ជាមួយទស្សនាវដ្តី Time ចេញផ្សាយនៅថ្ងៃសុក្រ ប្រធានាធិបតីអាមេរិក Donald Trump បាននិយាយថា “គ្រីមៀនឹងនឹងនៅជាមួយរុស្ស៊ី” ក្រោមកិច្ចព្រមព្រៀងសន្តិភាពណាមួយ ដោយបន្ថែមថា Zelensky ក៏យល់ពីរឿងនេះរួចរាល់ហើយផងដែរ។
គួរឲ្យដឹងដែរថាកិច្ចព្រមព្រៀង ដែលបានស្នើឡើង ដោយទីក្រុងវ៉ាស៊ីនតោន រួមមានការទទួលស្គាល់ របស់សហរដ្ឋអាមេរិក អំពីអធិបតេយ្យភាព របស់រុស្ស៊ីលើតំបន់គ្រីមេ ការ បង្កក នៃជម្លោះនៅតាមខ្សែ បន្ទាត់ជួរមុខបច្ចុប្បន្ន និងការទទួលស្គាល់ ការគ្រប់គ្រង របស់ទីក្រុងម៉ូស្គូលើផ្នែកមួយចំនួនធំ នៃអតីតតំបន់អ៊ុយក្រែន ទាំងបួនដែលបានបោះឆ្នោត ចូលរួមជាមួយរុស្ស៊ី ៕
ប្រែសម្រួល៖ស៊ុនលី
