ក្រុមសកម្មជនសិទ្ធិមនុស្សថា មនុស្សស្លាប់យ៉ាងហោចណាស់ ៥៨៥ នាក់ នៅទូទាំងប្រទេសអ៊ីរ៉ង់ និង ១.៣២៦ នាក់ផ្សេងទៀតរងរបួស

បរទេស៖ ការវាយប្រហារតាមអាកាសដ៏ខ្លាំងក្លា របស់អ៊ីស្រាអែល បានកំណត់គោលដៅរដ្ឋធានី របស់ប្រទេសអ៊ីរ៉ង់ នៅព្រឹកថ្ងៃពុធ នៅក្នុងជម្លោះ ដែលក្រុមសិទ្ធិមនុស្ស បាននិយាយថា បានសម្លាប់មនុស្សយ៉ាងហោចណាស់ ៥៨៥ នាក់នៅទូទាំងប្រទេសអ៊ីរ៉ង់ និង ១.៣២៦ នាក់ផ្សេងទៀតរងរបួស ។

យោងតាមសារព័ត៌មាន AP ចេញផ្សាយនៅថ្ងៃទី១៨ ខែមិថុនា ឆ្នាំ២០២៥ បានឱ្យដឹងថា ក្រុមសកម្មជនសិទ្ធិមនុស្ស ដែលមានមូលដ្ឋាននៅទីក្រុង វ៉ាស៊ីនតោន សហរដ្ឋអាមេរិក បាននិយាយថា ខ្លួនបានកំណត់អត្តសញ្ញាណអ្នកស្លាប់ចំនួន ២៣៩ នាក់ ក្នុងការវាយប្រហាររបស់អ៊ីស្រាអែលជាជនស៊ីវិល និង១២៦ នាក់ជាបុគ្គលិកសន្តិសុខ ។

អ៊ីរ៉ង់មិនបានផ្សព្វផ្សាយចំនួនអ្នកស្លាប់ ជាប្រចាំក្នុងអំឡុងពេលមានជម្លោះនោះទេ ហើយបានកាត់បន្ថយចំនួន អ្នកស្លាប់នៅពេលកន្លងមក។ ការធ្វើបច្ចុបន្នភាពចុងក្រោយរបស់ខ្លួន ដែលបានចេញផ្សាយកាលពីថ្ងៃច័ន្ទបានធ្វើឱ្យចំនួនអ្នកស្លាប់នៅ ២២៤ នាក់ និង ១.២៧៧ នាក់ផ្សេងទៀតបានរងរបួស ។

ភាពមិនប្រាកដប្រជា បានធ្វើឱ្យតំបន់ និងប្រជាជន​នៅទីក្រុង តេហេរ៉ង់បានភៀសខ្លួន​ចេញពីផ្ទះរបស់ពួកគេ​ ដោយបើកឡាននៅថ្ងៃទីប្រាំមួយ នៃយុទ្ធនាការផ្លូវអាកាស របស់អ៊ីស្រាអែលដែលសំដៅទៅ លើកម្មវិធីយោធា និងនុយក្លេអ៊ែររបស់អ៊ីរ៉ង់៕