រដ្ឋបាលលោក ត្រាំ នឹងបញ្ជូនឆ្មាំជាតិ ៣០០នាក់ទៅកាន់ទីក្រុង Chicago បេីទោះបីជាមានការជំទាស់
ញូវយ៉កៈ អភិបាលរដ្ឋ Illinois លោក JB Pritzker បានឧ្យដឹងថា បើទោះបីជាលោកបានបដិសេធម្តងហើយម្តងទៀតអំពីការចល័តឆ្មាំជាតិទៅកាន់ទីក្រុង Chicago ក៏ដោយ លោកប្រធានាធិបតីអាមេរិកលោក ដូណាល់ ត្រាំ នឹងបញ្ជូនកងឆ្មាំជាតិចំនួន ៣០០ នាក់ទៅកាន់ទីនោះផងដែរ។
លោក Pritzker បានឧ្យដឹងនៅលើប្រព័ន្ធផ្សព្វផ្សាយសង្គមថារដ្ឋបាលលោក ត្រាំ បានផ្តល់ឱសានវាទដល់លកថា “ប្រមូលកងទ័ពរបស់អ្នកឬយើងនឹងធ្វេីវា” នេះបេីយោងតាមការចុះផ្សាយរបស់ទីភ្នាក់ងារសារ័ត៌មានចិនស៊ិនហួ។
អភិបាលរដ្ឋរូបនេះបានលេីកឡេីងថា “នៅក្នុងប៉ុន្មានម៉ោងខាងមុខនេះរដ្ឋបាលលោក ដូណាល់ ត្រាំ មានបំណងបញ្ជូនឆ្មាំជាតិចំនួន ៣០០នាក់ទៅកាន់រដ្ឋ Illinois” ។
អ្នកនាំពាក្យសេតវិមាន Abigail Jackson បានឧ្យដឹងនៅក្នុងសេចក្តីថ្លែងការណ៍មួយថា “ចំពេលមានកុប្បកម្មហឹង្សា និងភាពគ្មានច្បាប់ដែលកំពុងបន្ត ដែលមេដឹកនាំក្នុងតំបន់ដូចជា លោក Pritzker បានបដិសេធមិនព្រមចូលរួមដើម្បីបង្ក្រាប ប្រធានាធិបតីលោក ដូណាល់ ត្រាំ បានអនុញ្ញាតឱ្យឆ្មាំជាតិចំនួន ៣០០នាក់ ដើម្បីការពារមន្រ្តី និងទ្រព្យសម្បត្តិសហព័ន្ធ” ។
ការអត្ថាធិប្បាយរបស់លោក Pritzker អំពីឆ្មាំជាតិ ដែលត្រូវបានសហព័ន្ធបានធ្វើឡើងចំពេលមានការប៉ះទង្គិចគ្នាជាបន្តបន្ទាប់រវាងអាជ្ញាធរអន្តោប្រវេសន៍ និងក្រុមអ្នកតវ៉ានៅក្នុងទីក្រុង Chicago ៕
ប្រែសម្រួល ឈូក បូរ៉ា
