ទីភ្នាក់ងារមនុស្សធម៌ អង្គការសហប្រជាជាតិ ជំរុញឱ្យអ៊ីស្រាអែល លុបចោលការហាមឃាត់លើក្រុមជំនួយនៅក្នុងតំបន់ហ្គាហ្សា
ហ្សឺណែវ៖ ទីភ្នាក់ងារមនុស្សធម៌របស់អង្គការសហប្រជាជាតិ និង អង្គការអន្តរជាតិជាច្រើនបានចេញ សេចក្តីថ្លែងការណ៍រួមគ្នាមួយ ដោយអំពាវនាវឱ្យអ៊ីស្រាអែល លុបចោលការហាមឃាត់របស់ខ្លួន លើប្រតិបត្តិការរបស់អង្គការជំនួយ អន្តរជាតិនៅក្នុងតំបន់ហ្គាហ្សា និងតំបន់វេសប៊ែង។
សេចក្តីថ្លែងការណ៍នេះបានឲ្យដឹងថា អង្គការជំនួយអន្តរជាតិដើរតួនាទីយ៉ាងសំខាន់ក្នុងប្រតិបត្តិការមនុស្សធម៌នៅក្នុងតំបន់ហ្គាហ្សា និងតំបន់វេសប៊ែង ដោយផ្តល់ជំនួយជិតមួយពាន់លានដុល្លារ អាមេរិកជារៀងរាល់ឆ្នាំ នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
សេចក្ដីថ្លែងការណ៍បានកត់សម្គាល់ថា នៅក្នុងតំបន់ហ្គាហ្សា ជាមួយនឹងទុក្ខវេទនា របស់គ្រួសារកាន់តែអាក្រក់ទៅៗក្នុងរដូវរងា អសន្តិសុខស្បៀងអាហារ នៅតែបន្ត និងតម្រូវការសម្រាប់ជំនួយ សង្គ្រោះជីវិត នៅតែមានសារៈសំខាន់ ការហាមឃាត់ក្រុមជំនួយ អាចធ្វើឱ្យខូចដល់វឌ្ឍនភាពផុយស្រួយ ដែលសម្រេចបាន ក្នុងអំឡុងពេលបទឈប់បាញ់ និងមានផលវិបាកយ៉ាងធ្ងន់ធ្ងរសម្រាប់កុមារ ស្ត្រី និងបុរស ដែលងាយរងគ្រោះ។
សេចក្តីថ្លែងការណ៍នេះ បានសង្កត់ធ្ងន់ថា ការចូលប្រើប្រាស់មនុស្សធម៌មិនមែនជាជម្រើស ឬស្ថិតនៅក្រោមលក្ខខណ្ឌ ឬការពិចារណាខាង នយោបាយនោះទេ ហើយវាបង្កើតជាកាតព្វកិច្ចផ្នែកច្បាប់ ក្រោមច្បាប់មនុស្សធម៌អន្តរជាតិ ក៏ដូចជាតម្រូវការជាមូលដ្ឋានសម្រាប់ការការពារសិទ្ធិមនុស្ស៕
