FBI ថា ខ្លួនបានរារាំងផែនការវាយប្រហារនៅថ្ងៃចូលឆ្នាំសកល ដែលបំផុសគំនិតដោយក្រុមរដ្ឋអ៊ីស្លាម
បរទេស៖ FBI បាននិយាយកាលពីថ្ងៃសុក្រថា ខ្លួនបានបង្អាក់ផែនការវាយប្រហារនៅថ្ងៃចូលឆ្នាំសកល ដោយផ្តោតលើហាងលក់គ្រឿងទេស និងភោជនីយដ្ឋានអាហាររហ័សនៅរដ្ឋ North Carolina សហរដ្ឋអាមេរិក ដោយចាប់ខ្លួនបុរសអាយុ ១៨ ឆ្នាំម្នាក់ ដែលអាជ្ញាធរនិយាយថា ជាអ្នកដែលសន្យាស្មោះត្រង់នឹងក្រុមរដ្ឋអ៊ីស្លាម។
យោងតាមសារព័ត៌មាន AP ចេញផ្សាយនៅថ្ងៃទី៣ ខែមករា ឆ្នាំ២០២៦ បានឱ្យដឹងថា ជនសង្ស័យ Christian Sturdivant ត្រូវបានចោទប្រកាន់ពីបទប៉ុនប៉ងផ្តល់ជំនួយសម្ភារៈដល់អង្គការភេរវករបរទេស។ ក្រុមអ្នកស៊ើបអង្កេតបាននិយាយថា Christian Sturdivant បានប្រាប់បុគ្គលិក FBI លាក់កំបាំងម្នាក់ដែលដាក់ខ្លួនជាអ្នកផ្តល់ទំនុកចិត្តគាំទ្រអំពីផែនការរបស់គាត់ដើម្បីវាយប្រហារ។ សារតាមអ៊ីនធឺណិតរបស់ពួកគេ រួមជាមួយនឹងការស្វែងរកផ្ទះរបស់គាត់នាពេលថ្មីៗនេះ បង្ហាញពីការវាយប្រហារនឹងកើតឡើងដោយប្រើកាំបិត និងញញួរ , នេះបើយោងតាមព្រះរាជអាជ្ញា និងកំណត់ត្រា។
មេធាវីអាមេរិកប្រចាំរដ្ឋ North Carolina លោក Russ Ferguson បាននិយាយថា ដោយបារម្ភថា Sturdivant អាចនឹងប៉ុនប៉ងប្រើអំពើហឹង្សានៅមុនថ្ងៃចូលឆ្នាំសកល, FBI បានដាក់គាត់ឱ្យស្ថិតក្រោមការឃ្លាំមើលជាប្រចាំជាច្រើនថ្ងៃ រួមទាំងនៅថ្ងៃបុណ្យណូអែលផងដែរ។
លោក Ferguson បាននិយាយនៅក្នុងសន្និសីទសារព័ត៌មាននៅទីក្រុង Charlotte ថា ភ្នាក់ងារត្រូវបានរៀបចំដើម្បីចាប់ខ្លួនគាត់មុននេះ ប្រសិនបើគាត់ចាកចេញពីផ្ទះជាមួយនឹងអាវុធ។
Sturdivant ត្រូវបានចាប់ខ្លួនកាលពីថ្ងៃពុធ ហើយនៅតែស្ថិតក្នុងការឃុំឃាំងបន្ទាប់ពីការបង្ហាញខ្លួននៅតុលាការសហព័ន្ធកាលពីថ្ងៃសុក្រ។ មេធាវីតំណាងឱ្យគាត់មិនបានឆ្លើយតបភ្លាមៗចំពោះអ៊ីមែល ឬសារទូរស័ព្ទដើម្បីស្វែងរកការអត្ថាធិប្បាយនោះទេ។ សវនាការមួយទៀតគ្រោងធ្វើនៅថ្ងៃទី ៧ ខែមករា៕
ប្រែសម្រួលៈ ណៃ តុលា
