សុខភាព

ព័ត៌មានជាតិ

សម្តេចតេជោ ហ៊ុន សែន ផ្តល់ក្តីមេត្តាធម៌ ឱ្យកូននិងម្តាយ ជួបជុំគ្នាវិញ ក្នុងសំណុំរឿង បែកបាក់ ជាង៧ឆ្នាំ

តាមពិត លោកស្រី សូ ស្រីពៅ មានរឿងរកាំរកុះក្តីក្តាំលែងលះគ្នាចាប់តាំងពីឆ្នាំ ២០១៣ មកម៉្លេះ។ ហើយការលែងលះគ្នានេះ បានតម្រូវឱ្យភាគីម្ខាងបាត់បង់សិទ្ធិបីបាច់ថែរក្សាកូនស្រី ក្នុងបន្ទុកម្នាក់ឈ្មោះ សួង អេលីស តាមការសម្រេចរបស់តុលាការ ។ សំណុំរឿងរដ្ឋប្បវេណី ជាវិវាទក្នុងគ្រួសារ ដែលមានសាលក្រមស្ថាពរ តាំងពីឆ្នាំ២០១៥ តែអនុវត្តមិនបានជោគជ័យ ត្រូវបានលោកដួង តារា ជំនួយការផ្ទាល់សម្តេចតេជោនាយករដ្ឋមន្ត្រី ធ្វើការផ្សះផ្សារសម្របសម្រួលឡើងវិញ ដើម្បីឱ្យគូភាគីទាំងពីរ យល់ព្រមអនុវត្តដោយស្ម័គ្រចិត្តបានជោគជ័យ ដើម្បីសេខក្តី សុភមង្គល ក្រោយពីការលែងលះ កាលពីព្រឹកថ្ងៃអាទិត្យ ទី២០ ខែ កញ្ញាឆ្នាំ២០២០ ព្រឹកមិញនេះ នៅវិមានសន្តិភាព។ ដោយមានការណែនាំដ៏ខ្ពង់ខ្ពស់បំផុតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី លោក ដួង តារា បានដឹកនាំក្រុមការងារសម្របសម្រួល អនុវត្តឈរលើគោលការណ៍ឈ្នះ-ឈ្នះ សម្តេចតេជោ ប្រកបដោយគតិបណ្ឌិត ដោយបានធ្វើការផ្សះផ្សារ និងសម្របសម្រួល អតីតស្វាមីភរិយាវ័យកណ្តាលមួយគូ ឱ្យយល់ព្រមអនុវត្តតាមសាលក្រមរដ្ឋប្បវេណី និងកំណត់ហេតុអនុវត្តរបស់សាលាដំបូងរាជធានីភ្នំពេញ ដោយស្ម័គ្រចិត្ត។ សូមបញ្ជាក់ថា សាលក្រមរដ្ឋប្បវេណីលេខ៣០ ម ភ.ព.រ.វ ចុះថ្ងៃទី១២ ខែមករា ឆ្នាំ២០១៥ បានសម្រេច ឱ្យឈ្មោះ សូ ស្រីពៅ ជាម្តាយ ជាអ្នកមានអំណាចមេបា លើកូនឈ្មោះ សួង អេលីស ភេទស្រី កើតថ្ងៃទី៣០ ខែមីនា ឆ្នាំ២០១២ ហើយសាលក្រមនេះ បានចូលជាស្ថាពរ និងមានអនុភាពអនុវត្តតាមផ្លូវច្បាប់។ ដោយមានការស្នើសុំពីភាគីដើមចោទឈ្មោះ សូ ស្រីពៅ សាលាដំបូងរាជធានីភ្នំពេញ បានចុះអនុវត្តសាលក្រមខាងលើចំនួនពីរដងរួចមកហើយ តែនៅតែមិនទទួលបានជោគជ័យ ដោយសារភាគីចុងចម្លើយឈ្មោះ សួង ភិសិរ្យណៈរង្គ មិនព្រមអនុវត្តតាមកំណត់ហេតុអនុវត្តរបស់តុលាការឡើយ ទោះខ្លួនបានផ្តិតមេដៃ នៅលើកំណត់ហេតុនោះ នៅចំពោះមុខមន្ត្រីទទួលបន្ទុកអនុវត្តក៏ដោយ ។ ដោយសេចក្តីនឹករលឹកជាពន់ពេកចំពោះកូនស្រី ដែលស្ថិតក្រោមការគ្រប់គ្រង ដោយខុសច្បាប់របស់ចុងចម្លើយជាប្តី ឈ្មោះ សូស្រីពៅ ជាម្តាយ បានស្វះស្វែងប្តឹងផ្តល់រកយុត្តិធម៌ ទៅគ្រប់ស្តាប័នពាក់ព័ន្ធទាំងអស់ រហូតដល់មានសាលក្រមកំបាំងមុខ ក្នុងរឿងព្រហ្មទណ្ឌ ផ្តន្ទាទោសឈ្មោះ សួង ភិសិរ្យណៈរង្គ ដាក់ពន្ធធនាគារចំនួន ៦ ខែពីបទមិនព្រមប្រគល់អនីតិជនទៀតផង។ ប៉ុន្តែ ឈ្មោះសូ ស្រីពៅ នៅតែមិនទទួលបានយុត្តិធម៌ គឺតែមិនបានជួបកូនស្រីជាទីស្រលាញ់របស់ខ្លួន ដោយសារតែអ្នកអនុវត្តច្បាប់មិនមានវិធានការច្បាប់តឹងរឹង បង្ខំឱ្យភាគីចុងចម្លើយខ្លាចញញើតគោរពនិងអនុវត្តតាម។ ដោយសារអស់ជំនឿ នឹងភាពទាល់ច្រក ឈ្មោះ សូ ស្រីពៅ ជាម្តាយបានដាច់ចិត្តសុំក្តីមេត្តាសណ្តោសប្រណីពី សម្តេចតេជោនាយករដ្ឋមន្ត្រី សុំជួយជាលើកចុងក្រោយដើម្បីខ្លួនមានឱកាសបានជួបមុខកូនស្រីជាទីស្រលាញ់របស់ខ្លួនដែលបានបែកគ្នាតាំងពីឆ្នាំ២០១៥មកម៉្លេះ។ ពិតណាស់ ពលរដ្ឋគ្រប់រូបគឺជាកូនចៅរបស់ សម្តេចទាំងទ្វេ។ សម្តេចលោកតែងមានក្តីមេត្តាធម៌ សណ្តោសប្រណីដល់ពលរដ្ឋគ្រប់ស្រទាប់វណ្ណៈទោះបីក្នុងស្ថានភាពណាក៏ដោយ។ ក្រោយពីបានទទួលសំណូមពរពីឈ្មោះ សូ ស្រីពៅ (ម្តាយ) សម្តេចតេជោបានចាត់ឱ្យ លោក ដួង តារា ជំនួយការសម្តេចផ្ទាល់ចុះធ្វើការងារនេះជាបន្ទាន់ ដើម្បីពិនិត្យលើទិដ្ឋភាពផ្លូវច្បាប់ ដើម្បីឱ្យមានការជួបជុំគ្នាឡើងវិញ រវាងម្តាយនិងកូន។ ដោយបានទទួលការណែនាំដ៏ខ្ពង់ខ្ពស់បំផុតពី សម្តេចតេជោ លោក ដួង តារា បាន អញ្ជើញភាគីទាំងពីរមកសម្របសម្រួល និងណែនាំពីទិដ្ឋភាពផ្លូវច្បាប់ រហូតដល់ភាគីខាងចុងចម្លើយ យល់ព្រមប្រគល់កូនស្រី ឈ្មោះ សួង សូអេលីស ឱ្យទៅម្តាយឈ្មោះ សូស្រីពៅ តាមអំណាចសាលក្រម ដោយស្ម័គចិត្ត ហើយភាគីទាំងពីរ បានយល់ព្រមចុះកិច្ចព្រមព្រៀងអនុវត្ត ដោយស្ម័គចិត្តមួយនៅចំពោះមុខ លោក ដួង តារា ផងដែរ។ នៅរសៀលថ្ងៃដដែលនេះ លោក ដួង តារា និងក្រុមការងាររួមទាំងអាជ្ញាធរមូលដ្ឋាន បានចុះទៅធ្វើសាក្សី ក្នុងការប្រគល់ទទួលកូនស្រី នៅគេហដ្ឋានខាងឪពុកឈ្មោះ សួង ភិសិរ្យណៈរង្គ ប្រកបដោយបរិយាកាសសប្បាយរីករាយ។ លោក ដួង តារា បានពន្យល់ថា ការលែងលះ គឺគ្រាន់តែជាមធ្យោបាយមួយដើម្បី រំលាយចំណងអាពាហ៍ពិពាហ៍តាមផ្លូវច្បាប់ ប៉ុន្តែក្រោយការលែងលះ ភាគីត្រូវពិចារណាអំពី សុភមង្គលរបស់ កូន និងកុំបង្កើតមានវប្បធម៍ចងគំនុំជាសត្រូវ ព្រោះថាកូនមិនមានកំហុសទេ ហើយភាគីមិនមែនត្រូវយកកូនជាចំណាប់ខ្មាំងឡើយ ។ លោក ដួង តារា បានគោរពថ្លែងអំណរគុណយ៉ាងជ្រាលជ្រៅបំផុតជូន សម្តេចតេជោនាយករដ្ឋមន្ត្រី ដែលបានផ្តល់ឱកាសឱ្យរូបលោក បានចូលរួមចំណែកជួយដោះស្រាយវិវាទនានា ឈរតាមគោលការណ៍ឈ្នះ-ឈ្នះសម្តេចតេជោ ដើម្បីភាពសុខសាន្តរបស់ប្រជាពលរដ្ឋ។ លោក ដួង តារា បានថ្លែងបន្ថែមថា សម្តេចទាំងទ្វេតែងឈ្លៀតពេលវេលាដ៏មានតម្លៃគិតគូរដោះស្រាយពីទុក្ខកង្វល់ប្រជាពលរដ្ឋ ដោយមិនខ្លាចពីការនឿយហត់ឡើយ។ លោក ដួង តារា ក៏បានថ្លែងអំណរគុណដល់ អាជ្ញាធរពាក់ព័ន្ធទាំងអស់ជាពិសេសសាលាដំបូងរាជធានីភ្នំពេញ និង ព្រះរាជអាជ្ញាក្រុងដែលបានសហការ ចូលរួមនៅក្នុងសំណុំរឿងមួយនេះ ដោយទទួលបានលទ្ធផលល្អ ជូនឪពុកម្តាយ និងកូន និងជូនប្រមុខដឹកនាំរបស់យើងទាំងអស់គ្នា៕ (ហ្វេសប៊ុកផេក Duong Dara)

DAP News

អ្នកមានជំងឺហឺត គួរអានអត្ថបទមួយនេះ

វិធីព្យាបាល ដោយខ្លួនឯង ពេលមានបញ្ហានោមឈឺ

ដឹងអំពីរឿងនេះ អ្នកផ្ដាច់បារីគ្មានថ្ងៃ ចង់ត្រឡប់ទៅជក់វិញទេ!

ឆាប់ខឹងឆេវឆាវមែនទេ? ទទួលទានអាហារទាំងនេះភ្លាម អ្នកប្រាកដជា ភ្ញាក់ផ្អើលជាមួយនឹងលទ្ធផល

ខឹងប្តីលួចមានស្រី នារីម្នាក់ យកកន្ត្រៃលួចកាត់ លឹង្គប្តី ពេលកំពុងដេក ស្ទើរដាច់ សល់តែស្បែកភ្ជាប់ តឹកឡឹកៗ

ផ្ទុះជំងឺបង្កឡើង ដោយបាក់តេរី E. Coli ធ្វើឲ្យភ្ញៀវជាច្រើន នៅលើកោះមួយនៅអូស្ត្រាលី កើតរោគរាករូសស្ទើរគ្រប់គ្នា

មិនធម្មតា! គ្រាប់ស្វាយចន្ទី អាចប្រយុទ្ធប្រឆាំង នឹងជំងឺកាចទាំងនេះបាន

ញ៉ាំអាហារទាំងនេះ ជាប្រចាំជួយ កម្ចាត់ខ្លាញ់ ពីសរសៃឈាមបេះដូង

ចែកគ្នាដឹង! ប្រេងដូងធម្មជាតិ បំបាត់ស្នាមសង្វារ ក្រោយសម្រាលកូនរួច

ភ្លើងឆេះព្រៃ នៅតែបន្តឆាបឆេះ នៅភាគខាងជើង រដ្ឋកាលីហ្វ័រនីញ៉ា

សម្តេចតេជោ ហ៊ុន សែន ផ្តល់ក្តីមេត្តាធម៌ ឱ្យកូននិងម្តាយ ជួបជុំគ្នាវិញ ក្នុងសំណុំរឿង បែកបាក់ ជាង៧ឆ្នាំ

អាមេរិក៖ ទណ្ឌកម្មយូអិនលើអ៊ីរ៉ង់ នឹងដាក់ឡើងវិញនៅថ្ងៃសៅរ៍

តៃវ៉ាន់ ចេញយន្តហោះចម្បាំង យ៉ាងប្រញាប់ ដោយសារយន្តហោះចិន ហោះហើរក្បែរជាថ្មី

DAP News

សុខភាព

អ្នកមានជំងឺហឺត គួរអានអត្ថបទមួយនេះ

វិធីព្យាបាល ដោយខ្លួនឯង ពេលមានបញ្ហា​នោមឈឺ

ដឹងអំពីរឿងនេះ អ្នកផ្ដាច់បារីគ្មានថ្ងៃ​ ចង់ត្រឡប់ទៅជក់វិញទេ!

ឆាប់ខឹងឆេវឆាវមែនទេ? ទទួលទានអាហារទាំងនេះភ្លាម អ្នកប្រាកដជា ភ្ញាក់ផ្អើលជាមួយនឹងលទ្ធផល

ខឹងប្តីលួចមានស្រី នារីម្នាក់ យកកន្ត្រៃលួចកាត់ លឹង្គប្តី ពេលកំពុងដេក ស្ទើរដាច់ សល់តែស្បែកភ្ជាប់ តឹកឡឹកៗ

ផ្ទុះជំងឺបង្កឡើង ដោយបាក់តេរី E. Coli ធ្វើឲ្យភ្ញៀវជាច្រើន នៅលើកោះមួយនៅអូស្ត្រាលី កើតរោគរាករូសស្ទើរគ្រប់គ្នា

មិនធម្មតា! គ្រាប់ស្វាយចន្ទី​ អាចប្រយុទ្ធប្រឆាំង នឹងជំងឺកាចទាំងនេះបាន

ញ៉ាំអាហារទាំងនេះ ជាប្រចាំជួយ កម្ចាត់ខ្លាញ់ ពីសរសៃឈាមបេះដូង

ចែកគ្នាដឹង! ប្រេងដូងធម្មជាតិ បំបាត់ស្នាមសង្វារ ក្រោយសម្រាលកូនរួច

ភ្លើងឆេះព្រៃ នៅតែបន្តឆាបឆេះ នៅភាគខាងជើង រដ្ឋកាលីហ្វ័រនីញ៉ា

សម្តេចតេជោ ហ៊ុន សែន ផ្តល់ក្តីមេត្តាធម៌ ឱ្យកូននិងម្តាយ ជួបជុំគ្នាវិញ ក្នុងសំណុំរឿង បែកបាក់ ជាង៧ឆ្នាំ

អាមេរិក៖ ទណ្ឌកម្មយូអិនលើអ៊ីរ៉ង់ នឹងដាក់ឡើងវិញនៅថ្ងៃសៅរ៍

តៃវ៉ាន់ ចេញយន្តហោះចម្បាំង យ៉ាងប្រញាប់ ដោយសារយន្តហោះចិន ហោះហើរក្បែរជាថ្មី

វិធីព្យាបាល ដោយខ្លួនឯង ពេលមានបញ្ហានោមឈឺ

ដឹងអំពីរឿងនេះ អ្នកផ្ដាច់បារីគ្មានថ្ងៃ ចង់ត្រឡប់ទៅជក់វិញទេ!

មិនធម្មតា! គ្រាប់ស្វាយចន្ទី អាចប្រយុទ្ធប្រឆាំង នឹងជំងឺកាចទាំងនេះបាន