កម្សាន្ត

រាត្រីនេះ ព្រាប សុវត្ថិ បញ្ជាក់មូលហេតុចូល Galaxy Navatra ខណៈខេម ត្រូវថោនហៅដោះស្រាយ

ភ្នំពេញ៖ តារាចម្រៀងប្រចាំប្រទេសកម្ពុជា លោក ព្រាប សុវត្ថិ នឹងបញ្ជាក់ពីមូលហេតុ នៃការចូលផលិតកម្ម Galaxy Navatra នៅរាត្រីថ្ងៃទី២៥ ខែសីហា ឆ្នាំ២០២០ បន្ទាប់ពីលោក បានប្រកាសចូលក្នុងផលិតកម្មនេះ ក្រោយរួមរស់ ជាមួយផលិតកម្មធំហង្សមាស អស់២៣ឆ្នាំមក។

ក្នុងពិធីស្វាគមន៍ បង្ហាញមុខតារាចម្រៀង ព្រាប សុវត្ថិ ជាផ្លូវការនាល្ងាចថ្ងៃទី២៥ ខែសីហានេ នៅសណ្ឋាគារ Gardan City ជិតវិមានឈ្នះឈ្នះ ។ ខាងផលិតកម្ម Galaxy Navatra ក៏បានអញ្ជើញអ្នកសិល្បៈល្បីៗ ដើម្បីចូលរួមអបអរសាទរ និងពិសារភោជនីអាហារ ប្រកបដោយភាពស្និទ្ធស្នាល និងសប្បាយរីករាយផងដែរ។

ជាមួយគ្នានេះដែរ លោក ខេម ដែលផ្លាស់ពីផលិតកម្មថោន មកជ្រកក្រោម Galaxy Navatra ដូចលោក ព្រាប សុវត្ថិដែរនោះ ត្រូវផលិតកម្មថោនហៅមកដោះស្រាយ ក្នុងថ្ងៃតែមួយ ក្រោមហេតុផលថា លោកចូលមកច្រៀងផលិតកម្មថ្មីនេះ ខណៈនៅជាប់កុងត្រា ជាមួយផលិតកម្មចាស់។ នេះបើតាមសេចក្តី ប្រកាសរបស់ថោន កាលពីថ្ងៃ២៤ សីហា ៕

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top