ព័ត៌មានអន្តរជាតិ

វៀតណាមបង្ហាញរូបភាព សមយុទ្ធប្រឆាំងភេរវកម្ម និងការប៉ុនប៉ង ផ្តួលរំលំរដ្ឋាភិបាល ជាមួយសព្វាវុធ និងកម្លាំងជាង ៤ពាននាក់

បរទេស៖ ប៉ូលីស រថក្រោះ សុនខ (ឆ្កែ) ប៉ូលីស និងកងកំលាំងផ្សេងៗ ទៀតមានចំនួនជាង ៤.០០០ នាក់ បានឆ្លើយតបទៅនឹងសេណារីយ៉ូ ផ្សេងៗគ្នានៅក្នុងសមយុទ្ធប្រឆាំងភេរវកម្មមួយនៅកណ្តាលក្រុងហូជីមិញ កាលពីថ្ងៃអាទិត្យ។

យោងតាមសារព័ត៌មាន VN Expresss ចេញផ្សាយកាលពីថ្ងៃទី១៥ ខែធ្នូ ឆ្នាំ២០១៩ បានឱ្យដឹងថា អាជ្ញាធរទីក្រុងហូជីមិញរំលឹកឡើងវិញនូវ មធ្យោបាយដោះស្រាយស្ថានការណ៍រំខានសន្តិសុខ ដែលដាក់ពង្រាយអង្គភាពផ្សេងៗ គ្នានៅក្នុងស្រុក ១ និងអាកាសយានដ្ឋានអន្តរជាតិ តាន់សុនញ៉ាត់។

ការដុតរថយន្ត និងយានយន្ត ត្រូវបានដោះស្រាយក្នុងពេល ធ្វើសមយុទ្ធនោះ។ នៅសង្កាត់លេខ ១ ស្ថានភាពសម្មតិកម្ម គឺមានមនុស្សរាប់រយនាក់ បើកបរម៉ូតូដោយកាន់ដំបងវែង និងបដា នាំគ្នាស្រែក និងវាយប្រហារមន្ត្រីរដ្ឋ។

កម្លាំងសន្តិសុខបាញ់កាំភ្លើងបាញ់ទឹក និងបំបែកហ្វូងមនុស្ស។ សំឡេងផ្ទុះ និងសំឡេងគ្រាប់កាំភ្លើង ក៏ត្រូវបានគេលឺផងដែរ៕ ប្រែសម្រួលៈ ណៃ តុលា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top