ព័ត៌មានអន្តរជាតិ

សុបិន្តរយៈពេល ១៦ឆ្នាំ​ របស់វៀតណាម ៖ ការហោះហើរត្រង់ ទៅអាមេរិក នៅតែមិនទាន់សម្រេចបាន

បរទេស៖ ដំបូងប្រទេសវៀតណាម ចង់បើកការហោះហើរ ទៅកាន់សហរដ្ឋអាមេរិកអស់រយៈពេល ១៦ ឆ្នាំមកហើយ ប៉ុន្តែគោលដៅនេះនៅតែពិបាកដោះស្រាយ ដោយសារបញ្ហាបច្ចេកទេស និងផលចំណេញ ។

យោងតាមសារព័ត៌មាន VN Express ចេញផ្សាយនៅថ្ងៃទី១៦ ខែធ្នូ ឆ្នាំ២០១៩ បានឱ្យដឹងថា ក្រសួងដឹកជញ្ជូនវៀតណាម កាលពីឆ្នាំ ២០០៣ បានបញ្ជាឱ្យក្រុមហ៊ុនអាកាសចរណ៍ Vietnam Airlines ចាប់ផ្តើមសេវាកម្មផ្ទាល់នៅឆ្នាំ ២០០៥ ។ មិនត្រឹមតែមិនបានអនុវត្តតាមទេ តែមកដល់សព្វថ្ងៃនេះ ក្រុមហ៊ុនដឹកជញ្ជូន លើអាកាសនេះ នៅតែព្រួយបារម្ភ អំពីផលចំណេញ ផ្លូវ ទោះបីខ្លួនបានទទួលការអនុញ្ញាត ពីក្រសួងដឹកជញ្ជូនសហរដ្ឋអាមេរិក សម្រាប់ការហោះហើរត្រង់ នៅខែកញ្ញា ក៏ដោយ។

នាយកប្រតិបត្តិក្រុមហ៊ុន អាកាសវៀតណាមគឺលោក ឌួងទ្រីថាញ់ បាននិយាយថា វានឹងមានការលំបាកក្នុងការទាក់ទាញអ្នកដំណើរដោយការហោះហើរត្រង់ ដោយសំដៅទៅលើការពិតដែលថា វានឹងមានតម្លៃថ្លៃជាងការហោះហើរដែលមានផ្លូវឈប់ ។

លោកបន្តថា ការហោះហើរត្រង់ភាគច្រើនអាចអំពាវនាវដល់អ្នកដំណើរលំដាប់អាជីវកម្ម ប៉ុន្តែចំនួនបច្ចុប្បន្នមិនគ្រប់គ្រាន់ទេ ដែលធ្វើឱ្យជើងហោះហើរទទួលបានផលចំណេញ៕

ប្រែសម្រួលៈ ណៃ តុលា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top