ព្រុចសែល៖ សហគមន៍អ៊ឺរ៉ុប (EU) បានអំពាវនាវឱ្យកូរ៉េខាងជើង ប្រកាន់ខ្ជាប់នូវការផ្អាកការ ធ្វើតេស្តនុយក្លេអ៊ែរ និងមីស៊ីលចំពេលដែលការគំរាមកំហែង របស់ក្រុងព្យុងយ៉ាង ដកខ្លួនចេញពីការប្តេជ្ញាចិត្តដែលបានប្រកាសដោយខ្លួនឯង ដោយលើកឡើងពីគោលនយោបាយអរិភាពរបស់សហរដ្ឋអាមេរិក
នៅក្នុងសេចក្តីថ្លែងការណ៍បើកសម្រាប់សន្និសីទ ស្តីពីការដកហូតអាវុធកាលពីថ្ងៃអង្គារសហភាពអឺរ៉ុបបានឲ្យដឹងថាប្រទេសកូរ៉េខាងជើង គួរតែ “វិលត្រឡប់ទៅរកការចរចាប្រកបដោយអត្ថន័យ” និង “ចៀសវាងពីការបង្កហេតុបន្ថែមទៀត” ។
សេចក្តីថ្លែងការណ៍នេះបានបន្ដទៀតថា“ ការបាញ់មីស៊ីលបាលីស្ទិកម្តងហើយម្តងទៀតដោយកូរ៉េខាងជើង រំលោភលើសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ បន្តធ្វើឱ្យអន្តរាយដល់ការងារអន្តរជាតិ សម្រាប់ការកសាងទំនុកចិត្ត និងការបង្កើតសន្តិភាព និងសន្តិសុខយូរអង្វែងនៅឧបទ្វីបកូរ៉េ” ៕
