ព័ត៌មានអន្តរជាតិ

ករណីឆ្លងវីរុសកូរ៉ូណា កំពុងកើនឡើងនៅកូរ៉េខាងត្បូង យ៉ាងឆាប់រហ័ស

សេអ៊ូល៖ ប្រទេសកូរ៉េខាងត្បូង បានរាយការណ៍ ពីករណីឆ្លងវីរុសកូរ៉ូណាថ្មីចំនួន ៣១ ករណីនៅថ្ងៃព្រហស្បតិ៍នេះ ដែលធ្វើឱ្យចំនួនអ្នកឆ្លងសរុបកើនឡើងដល់ ៨២ ករណីដោយភាគច្រើនករណីថ្មី ផ្តោតលើទីក្រុងភាគអាគ្នេយ៍ នៃទីក្រុង Daegu ។

ការកើនឡើង ចំនួនអ្នកឆ្លងជំងឺក្នុងសប្តាហ៍នេះ ដែលកើនឡើងចំនួនអ្នកឆ្លងសរុបជាង ៥០ នាក់ បានធ្វើឱ្យមានការភ័យខ្លាចថាវីរុស ប្រហែលជាមានការរីករាលដាល យ៉ាងឆាប់រហ័សនៅក្នុងស្រុក។

មជ្ឈមណ្ឌលកូរ៉េ សម្រាប់ការគ្រប់គ្រងនិងបង្ការជំងឺ (KCDC) បានឲ្យដឹង នៅក្នុងសេចក្តីថ្លែងការណ៍មួយថា ក្នុងចំណោមករណីថ្មីទាំង ៣១ ករណី ៣០ ករណីគឺស្ថិតនៅក្នុងទីក្រុង Daegu ចម្ងាយ ៣០០ គីឡូម៉ែត្រ ភាគអាគ្នេយ៍ទីក្រុងសេអ៊ូល និងខេត្ត Gyeongsang៕ ដោយ៖ ឈូក បូរ៉ា

To Top