បរទេស៖ ប្រធានគណបក្សប្រចាំទីក្រុង ហូជីមិញ បាននិយាយថា ទីក្រុងដាណាង គួរតែត្រូវបានពិចារណា ជាចំណុចផ្ទុះនៃ “វីរុស កូវីដ១៩ ដ៏គ្រោះថ្នាក់” និង ស្ថិតនៅក្រោមការចាក់សោរពេញលេញ (បិទទីក្រុង) ដូចជាទីក្រុងវូហាន របស់ប្រទេសចិន។
យោងតាមសារព័ត៌មាន VN Express ចេញផ្សាយនៅថ្ងៃទី០៣ ខែសីហា ឆ្នាំ២០២០ បានឱ្យដឹងថា យោងទៅតាមអង្គការសុខភាពពិភពលោក លក្ខណៈវិនិច្ឆ័យមួយសម្រាប់ប្រទេសមួយ ដើម្បីប្រកាសពីការរីករាលដាលនៃជំងឺរាតត្បាតជាតិគឺមាន ១០ ករណី សម្រាប់ប្រជាជនរាប់លាននាក់។
លេខាបក្សទីក្រុងគឺលោក ង្វៀនធៀនញ៉ាន បានប្រាប់កិច្ចប្រជុំរដ្ឋាភិបាលតាមអ៊ិនធរណេតកាលពីថ្ងៃអាទិត្យថា “ នៅប្រទេសវៀតណាមបច្ចុប្បន្ននេះអត្រាឆ្លងមានចំនួន ២,៧ ក្នុងមួយលាននាក់ហើយ ដូច្នេះនិយាយជាទូទៅយើងនៅតែមានសុវត្ថិភាព ប៉ុន្តែ ទីក្រុង ដាណាង គឺជារឿងមួយទៀតដែលវាបានទៅហួសពីកម្រិតនេះ។
ទីក្រុងដែលមានប្រជាជន ១,១ លាននាក់នេះ បានកត់សំគាល់ការឆ្លងចំនួន ១២០ករណី ចាប់តាំងពីការរាលដាលនៃតំបន់នៃមេរោគកូវីដ១៩ ត្រូវបានរកឃើញម្តងទៀត បន្ទាប់ពីគ្មានករណីវិជ្ជមានរយៈពេលជាង ៣ ខែ រហូតដល់ត្រឹមថ្ងៃទី ២៥ ខែកក្កដា។
ចាប់តាំងពីពេលនោះមកជំងឺនេះបានរីករាលដាលដល់ទីក្រុងនិងខេត្តចំនួន ៨ ផ្សេងទៀត ហើយរួមបញ្ចូលទាំង ៣៥ ករណីនៅខេត្ត Quang Nam ដែលនៅជិតគ្នារបស់ Da Nang, ៨ ករណីនៅទីក្រុង ហូជីមិញ, ៣ ករណីរៀងៗខ្លួននៅ Quang Ngai និងនៅ ឡាក់ដាក់, ២ ករណីនៅហាណូយ និងម្នាក់ករណីរៀងៗខ្លួននៅ Thai Binh, Ha Nam និងនៅខេត្ត Dong Nai៕
ប្រែសម្រួលៈ ណៃ តុលា
