ញូដេលី៖ មន្រ្តីប៉ូលិសក្នុងតំបន់ បានបញ្ជាក់ថា ចំនួនអ្នកស្លាប់ នៅក្នុងឧប្បត្តិហេតុធ្លាក់យន្តហោះ កាលពីល្ងាចថ្ងៃសុក្រ នៅភាគខាងត្បូងប្រទេសឥណ្ឌា បានកើនឡើងដល់ ១៤ នាក់ ជាមួយនឹង ១២៣ នាក់ផ្សេងទៀតបានរងរបួស។
យោងតាមទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃទី៨ ខែសីហា ឆ្នាំ២០២០ បានឱ្យដឹង ដោយផ្អែកតាមការផ្សាយ របស់ទីភ្នាក់ងារព័ត៌មានអាស៊ីអន្ដរជាតិ (ANI) បានដកស្រង់សម្តីស្នងការប៉ូលិស Malappuramថា “ មនុស្សស្លាប់ ១៤ នាក់ និងរបួស ១២៣ នាក់ ចំណែកមនុស្ស ១៥ នាក់រងរបួសធ្ងន់ ក្នុងឧប្បត្តិហេតុធ្លាក់យន្ដហោះ Kozhikode” ។
មុននេះមន្ត្រីជាន់ខ្ពស់នៃអគ្គនាយកដ្ឋានអាកាសចរណ៍ស៊ីវិល (DGCA) បាននិយាយថាមនុស្សយ៉ាងតិច ៦ នាក់រួមទាំងអាកាសយានិក ២ នាក់បានស្លាប់នៅក្នុងគ្រោះថ្នាក់នេះ។
មូលហេតុនៃគ្រោះថ្នាក់នេះ មិនទាន់ត្រូវបានគេប្រកាសនៅឡើយទេ ប៉ុន្តែរបាយការណ៍ ប្រព័ន្ធផ្សព្វផ្សាយបាននិយាយថា អាកាសយានិក បានព្យាយាមចុះចតយន្តហោះ ចំពេលមានភ្លៀងធ្លាក់ខ្លាំងហើយ យន្តនោះបានធ្លាក់ចេញពីផ្លូវ។
គ្រោះថ្នាក់នេះ បានកើតឡើង ១៩ និង៤១នាទី (ម៉ោងស្តង់ដារឥណ្ឌា) នៅពេល ដែលយន្តហោះអាកាសចរណ៍ឥណ្ឌា Air Air គឺយន្តហោះប៊ូអ៊ីញ ៧៣៧ ដែលមានមនុស្សប្រហែល ១៩៥ នាក់ ក្នុងនោះរួមទាំងអ្នកដំណើរ ១៨៩ នាក់និងសមាជិកនាវិក ៦ នាក់ បានហោះចេញពីផ្លូវ នៅអាកាសយានដ្ឋាន Kozhikode យន្តហោះបានបែកជាពីរកំណាត់៕ ប្រែសម្រួលៈ ណៃ តុលា