ព័ត៌មានអន្តរជាតិ

រុស្ស៊ី មានអ្នកឆ្លងជំងឺកូវីដ១៩​ កើនឡើងដល់ជាង ៩៨.០០០នាក់ បន្ទាប់ពីមានអ្នកឆ្លងជំងឺថ្មី ជិត៥ពាន់នាក់

ម៉ូស្គូ៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២៩ ខែសីហា ឆ្នាំ២០២០ថា មជ្ឈមណ្ឌលឆ្លើយតបទៅ នឹងជំងឺកូវីដ១៩ របស់ប្រទេសរុស្ស៊ី បានឲ្យដឹងនៅក្នុងសេចក្តី ប្រកាសមួយ នៅថ្ងៃសៅរ៍នេះថា ប្រទេសរុស្ស៊ី បានចុះក្នុងបញ្ជី ដែលមានអ្នកឆ្លងជំងឺកូវីដ១៩ថ្មីចំនួន៤.៩៤១នាក់ ក្នុងរយៈពេល២៤ម៉ោងកន្លងទៅនេះ ដែលនាំឲ្យចំនួនអ្នកឆ្លងជំងឺ សរុបបានកើនឡើងដល់៩៨៥.៣៤៦នាក់ ។

ទន្ទឹមនឹងនេះដែរ ចំនួនអ្នកស្លាប់ថ្មីមាន១១១នាក់ ត្រូវបានគេរាយការណ៍ឲ្យដឹង ដែលនាំឲ្យចំនួនអ្នកស្លាប់សរុបកើនដល់១៧.០២៥នាក់។

មជ្ឈមណ្ឌលឆ្លើយតបខាងលើបានឲ្យដឹងថា ក្រុងម៉ូស្គូ ជាតំបន់ដែលរងគ្រោះធ្ងន់ធ្ងរជាងគេរបស់ប្រទេស ដែលត្រូវបានគេរាយការណ៍ថា មានករណីថ្មីចំនួន៦៧៧នាក់ ដែលនាំឲ្យចំនួនអ្នកឆ្លងជំងឺសរុបកើនឡើងដល់២៦១.០៣៨នាក់ ៕
ប្រែសម្រួលដោយ៖ ម៉ៅ បុប្ផាមករា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top