ព័ត៌មានអន្តរជាតិ

យន្តហោះកាណាដា ធ្វើដំណើរដល់រូម៉ានី សម្រាប់បេសកកម្មល្បាត ដែនអាកាសណាតូ

បរទេស៖យោងតាមការឲ្យដឹងពីអង្គការសន្ធិសញ្ញាអាត្លង់ទិកខាងជើង ហៅកាត់ថា ណាតូ បានឲ្យដឹងថា យន្តហោះចម្បាំងរបស់កងកម្លាំងទ័ពជើងអាកាសប្រទេសកាណាដា នាពេលថ្មីៗនេះ បានធ្វើដំណើរទៅដល់ប្រទេសរ៉ូម៉ានីហើយ ដើម្បីចាប់ផ្តើមធ្វើបេសកកម្មល្បាតដែនអាកាសដែលកាន់តែប្រសើរឡើងរបស់ពួកគេ នៅថ្ងៃអាទិត្យនេះ។ 

យន្តហោះចម្បាំង CF-18 Hornet ចំនួន៦គ្រឿង និងបុគ្គលិកប្រហែល១៣៥នាក់មកពីកងកម្លាំងប្រដាប់អាវុធប្រចាំនៅរ៉ូម៉ានីរបស់កាណាដា បានទទួលវិញ្ញាបនប័ត្រស្តីពីការត្រៀមលក្ខណៈរួចរាល់ នៅក្នុងពិធីមួយ កាលពីថ្ងៃព្រហស្បតិ៍ នៅឯមូលដ្ឋានកងទ័ពអាកាស Mikhail Kogainiceanu ក្នុងប្រទេសរ៉ូម៉ានីភាគនិរតី។ 

នៅក្នុងសេចក្តីថ្លែងការណ៍មួយ លោកឧត្តមសេនីយ៍ Fernando de la Cruz Caravaca ជាមេបញ្ជាការនៃមជ្ឈមណ្ឌលសហប្រតិបត្តិការដែនអាកាស នៅមូលដ្ឋានទ័ពអាកាស Torrejón ក្នុងប្រទេសអេស្ប៉ាញ បាននិយាយប្រាប់ដូច្នេះថា “ប្រត្តិបត្តិការល្បាតដែនអាកាសណាតូ គឺជាផ្នែកមួយនៃគោលការណ៍ការពាររួមគ្នា ដែលជាឆ្អឹងខ្នងមួយសម្រាប់សម្ពន្ធមិត្ត”៕ 

ប្រែសម្រួល៖ប៉ាង កុង 

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top