ព័ត៌មានអន្តរជាតិ

កូរ៉េខាងត្បូង នឹងចូលរួមកិច្ចប្រជុំប្រចាំ ឆ្នាំអាស៊ាន ខណៈកំពុងតានតឹងខ្លាំង រវាងមហាអំណាចអាមេរិក-ចិន

សេអ៊ូល៖ រដ្ឋមន្រ្តីការបរទេស Kang Kyung-wha ត្រូវបានគេគ្រោង នឹងចូលរួមនៅក្នុងកិច្ចប្រជុំប្រចាំឆ្នាំដែលដឹកនាំ ដោយសមាគមប្រជាជាតិ អាស៊ីអាគ្នេយ៍ (អាស៊ាន) ដែលចាប់ផ្តើមនៅថ្ងៃពុធ ដើម្បីពិភាក្សាអំពីសន្តិសុខក្នុងតំបន់ និងបញ្ហាផ្សេងទៀតចំពេលភាពតានតឹងរវាង សហរដ្ឋអាមេរិក និងចិនកំពុងកើនឡើង។

កិច្ចប្រជុំនៅឆ្នាំនេះដែលប្រព្រឹត្តទៅ នៅថ្ងៃសៅរ៍នេះ កើតឡើងនៅពេលដែលការប្រកួតប្រជែងកាន់តែខ្លាំង ឡើងរវាងទីក្រុងវ៉ាស៊ីនតោន និងទីក្រុងប៉េកាំង បង្កបញ្ហាប្រឈមផ្នែកការទូតមួយទៅកាន់ប្រទេស កូរ៉េខាងត្បូង និងប្រទេសដទៃទៀតជាពិសេសជាមួយនឹងការអំពាវនាវ ដ៏ខ្លាំងក្លាពីសហរដ្ឋអាមេរិក ដើម្បីចូលរួមក្នុងយុទ្ធនាការប្រឆាំងចិន។

ការប្រមូលផ្តុំនេះនឹងត្រូវ ធ្វើឡើងតាមរយៈខ្សែអាត់វីដេអូ ដោយសារការរីករាលដាលនៃជំងឺរាតត្បាត កូវីដ-១៩ ។

នៅថ្ងៃពុធលោកស្រីអ្នកការទូត កូរ៉េខាងត្បូង នឹងចូលរួមក្នុងកិច្ចប្រជុំអាស៊ាន បូក ៣ ដែលប្រមូលផ្តុំសមាជិក អាស៊ានទាំង ១០ និងដៃគូសន្ទនាទាំង ៣ របស់ខ្លួន គឺកូរ៉េខាងត្បូង ចិន និងជប៉ុន៕ ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top