ព័ត៌មានអន្តរជាតិ

រដ្ឋាភិបាលជប៉ុន យល់ព្រមលើសេចក្តីព្រាងច្បាប់ ផ្តល់វ៉ាក់សាំងការពារជំងឺកូវីដ១៩ ដល់ប្រជាជនទាំងអស់ ដោយមិនគិតថ្លៃ

តូក្យូ ៖ រដ្ឋាភិបាលជប៉ុន កាលពីថ្ងៃអង្គារ បានអនុម័តលើសេចក្តីព្រាងច្បាប់មួយ ដើម្បីទទួលបន្ទុករាល់ការចំណាយ លើការគ្រប់គ្រងវ៉ាក់សាំងប្រឆាំង នឹងមេរោគឆ្លងកូរ៉ូណា ដល់ប្រជាជនទាំងអស់ និងទូទាត់សំណងដល់អ្នកផ្គត់ផ្គង់ ក្នុងករណីដែលមានផលប៉ះពាល់ ធ្ងន់ធ្ងរកើតឡើង។

យោងតាមសារព័ត៌មាន Kyodo News ចេញផ្សាយនៅថ្ងៃទី២៧ ខែតុលា ឆ្នាំ២០២០ បានឱ្យដឹងថា សេចក្តីព្រាងច្បាប់ ដើម្បីធ្វើវិសោធនកម្មច្បាប់ ចាក់វ៉ាក់សាំងនាពេលបច្ចុប្បន្ន គឺស្របតាមការប្តេជ្ញា របស់លោកនាយករដ្ឋមន្រ្តី Yoshihide Suga ក្នុងការធានាការចាក់វ៉ាក់សាំង ការពារមេរោគឆ្លងដល់មនុស្សទាំងអស់ នៅក្នុងប្រទេសនៅឆមាសទីមួយនៃឆ្នាំក្រោយ។ រដ្ឋាភិបាល របស់លោកមានគោលបំណង ដើម្បីអនុម័តនៅក្នុងអំឡុងពេល នៃសម័យប្រជុំរបបអាហារបច្ចុប្បន្នរហូតដល់ថ្ងៃទី ៥ ខែធ្នូ។

ដើម្បីសំរេចគោលដៅនេះ រដ្ឋាភិបាលបានកំណត់ថវិកា ចំនួន ៦៧១,៤ ពាន់លានយ៉េន (៦,៤ ពាន់លានដុល្លារ) ។

ជប៉ុនបានព្រមព្រៀង ជាមួយក្រុមហ៊ុនផលិតឱសថអង់គ្លេស AstraZeneca Plc និងក្រុមហ៊ុនឱសថយក្ស Pfizer Inc របស់សហរដ្ឋអាមេរិក ដើម្បីទទួលថ្នាំបង្ការចំនួន ១២០ លានដូសពីក្រុមហ៊ុននីមួយៗ នៅពេលដែលបង្កើតបានជោគជ័យ និងកំពុងចរចាជាមួយក្រុមហ៊ុនអាមេរិក Moderna Inc ក្នុងចំនួន ៤០ លានដូសឬច្រើនជាងនេះ៕

ប្រែសម្រួលៈ ណៃ តុលា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top
×