បរទេស៖ ប៉ូលិសនៅភាគខាងត្បូងខេត្ត Ca Mau ប្រទេសវៀតណាម កាលពីថ្ងៃច័ន្ទ បានឃុំខ្លួនបុរសម្នាក់ ពីបទរំលោភក្មេងប្រុស ៤ នាក់ ដែលស្នាក់នៅជាមួយគាត់ នៅឯមជ្ឈមណ្ឌលគាំពារសង្គមក្នុងតំបន់។
យោងតាមសារព័ត៌មាន VN Express ចេញផ្សាយនៅថ្ងៃទី១៥ ខែធ្នូ ឆ្នាំ២០២០ បានឱ្យដឹងថា ជនសង្ស័យឈ្មោះ Pham Chi Cuong អាយុ ២១ ឆ្នាំ កំពុងស្ថិតក្រោមការស៊ើបអង្កេតពីបទ“ រំលោភសេពសន្ថវៈ” និង “បំពាន លើមនុស្សអាយុក្រោម ១៦ ឆ្នាំ” ។ នេះបើយោងតាមកាសែត Cong Ly ។
ការចាប់ខ្លួននេះ បានធ្វើឡើងបន្ទាប់ពីបុគ្គលិក នៃមជ្ឈមណ្ឌលគាំពារសង្គម Ca Mau បានដាក់ពាក្យបណ្តឹងទៅប៉ូលិស ក្នុងតំបន់ដោយបានបញ្ជាក់ថា ជនជាប់ចោទរូបនេះ បានប្រព្រឹត្តអំពើរំលោភសេពសន្ថវៈ ម្តងហើយម្តងទៀត ក្នុងការរួមភេទ ដោយមិនយល់ព្រមជាមួយក្មេងប្រុស ដែលគ្មានផ្ទះសម្បែងចំនួន ៤ នាក់ ដែលមានអាយុចន្លោះពី ៨ ទៅ ១៣ ឆ្នាំ នៅខាងក្នុងបន្ទប់ទឹកនិងបន្ទប់បុរស។ ។
លោក Cuong បានសារភាពពីបទឧក្រិដ្ឋរបស់គាត់ នៅឯប៉ុស្តិ៍ប៉ូលិស។
ចំណែកករណីមួយទៀត គឺកាលពីខែមិថុនា ឆ្នាំ២០២០ អ្នកគ្រប់គ្រងមណ្ឌលគាំពារសង្គមសៃហ្គនម្នាក់ ជាប់គុក ៤ ឆ្នាំកន្លះពីបទរំលោភសេពសន្ថវៈក្មេងស្រីមិនទាន់គ្រប់អាយុ នៅពេលគាត់ផ្លាស់ទៅធ្វើការវេនយប់។ លោកង្វៀនតៀនដុង អាយុ ៤៩ ឆ្នាំត្រូវបានតុលាការរកឃើញថាមានពិរុទ្ធពីបទរំលោភសេពសន្ថវៈលើក្មេងស្រីអាយុក្រោម ១៦ ឆ្នាំដោយតុលាការនៅស្រុកប៊ិញថាញ់ ក្រុងហូជីមិញ។ តុលាការបានរកឃើញថា គាត់មានពិរុទ្ធពីបទរំលោភសេពសន្ថវៈលើក្មេងស្រីមិនទាន់គ្រប់អាយុចំនួន ៤ នាក់ម្តងហើយម្តងទៀត និងបានបញ្ជា ឲ្យ គាត់សងសំណងដល់ជនរងគ្រោះចំនួន ២០ លានដុង (៨៥៧ ដុល្លារ) ក្នុងម្នាក់ៗ។
គាត់បានសារភាពកំហុសរបស់គាត់នៅឯតុលាការ។ យោងតាមការចោទប្រកាន់ គឺក្មេងស្រីបួននាក់ដែលមានអាយុពី ១៤ ទៅ ១៦ ឆ្នាំ ត្រូវបានគេបញ្ជូនទៅមណ្ឌលនៅបន្ទប់លេខ ២ (បន្ទាប់សម្រាប់តែក្មេងស្រីៗ) រួមជាមួយមនុស្សជាច្រើនទៀតនៅថ្ងៃទី ២៩ ខែឧសភាឆ្នាំ ២០១៩ ។ ដោយសារលោក ដុង បានដឹងថា ក្មេងស្រីៗទាំងនោះ ញៀនជក់បារី គឺគាត់បានប្រើវិធីនេះ ដើម្បីបំពេញ តណ្ហារបស់គាត់។
អស់រយៈពេលមួយខែក្នុងអំឡុងពេលនៃការធ្វើការពេលយប់របស់គាត់ នៅម៉ោងប្រហែល ៩ យប់ លោក ដុង ឈរនៅខាងក្រៅបង្អួចហើយអញ្ជើញក្មេងស្រីនៅខាងក្រៅដើម្បីបារី និងហូបអាហារ។ គាត់បានស្ទាបអង្អែលសុដន់ (ដោះ) របស់ពួកគេនៅពេលនោះ។ នៅពេលមួយ គាត់បានឱ្យក្មេងស្រីម្នាក់ សម្រេចកាមឱ្យគាត់ថែមទៀតផង (សាប់)។
ពីរខែក្រោយមក ក្មេងស្រីខ្លះត្រូវបានផ្ទេរទៅមណ្ឌលមួយទៀត ហើយខ្លះទៀតត្រូវបញ្ជូនទៅផ្ទះ។ ក្រោយមក ក្រុមគ្រួសាររបស់ក្មេងស្រីម្នាក់បានរាយការណ៍ពីសកម្មភាពរបស់គាត់ទៅប៉ូលីសនៅស្រុក ប៊ិញថាញ់ ។ លោក ដុង ដែលជាអ្នកគ្រប់គ្រងមជ្ឈលមណ្ឌលនេះ ត្រូវបានចាប់ខ្លួន។ ការស៊ើបអង្កេតរបស់ប៉ូលីសបានរកឃើញថា ក្មេងស្រីម្នាក់ៗត្រូវបានលោកដុង បំពានផ្លូវភេទចាប់ពី ២ដង ទៅ ៤ ដង៕
