ភ្នំពេញ៖ អតីតប្រធានាធិបតីហ្វីលីន លោក បិននិណូ អាគីណូ (Benigno “Noynoy”Aquino) ដែលពេលនោះជាប្រធានាធិបតី ក្នុងពេលដែលកម្ពុជា ធ្វើជាម្ចាស់ផ្ទះ កិច្ចប្រជុំកំពូលអាស៊ាន ឆ្នាំ២០១២ នោះ បានទទួលមរណភាពហើយ ក្នុងវ័យ៦១ឆ្នាំ។ នេះតាមការផ្សាយ របស់ទីភ្នាក់ងារព័ត៌មានបារាំង (AFP) នៅមុននេះបន្តិច។
ក្នុងរដ្ឋការអតីតប្រធានាធិបតីរូបនេះ រដ្ឋមន្រ្តីការបរទេស របស់លោក បានលើកយក បញ្ហាក្តៅៗ (ដុំដែកក្តៅ) មកអុក កម្ពុជា នាកិច្ចប្រជុំកំពូលអាស៊ាន
នាខែវិច្ឆិកា ឆ្នាំ២០១២ ដែលជាហេតុធ្វើឱ្យកម្ពុជា ក្នុងឋានៈជាប្រធានអាស៊ានប្តូរវេន
ត្រូវមជ្ឈដ្ឋានអន្តរជាតិ ថ្កោលទោសកម្ពុជា ចំពោះការដែលមិនអាចចេញ សេចក្តីថ្លែងការណ៍រួមរបស់អាស៊ាន បាននាពេលនោះ។
ប្រទេសកម្ពុជា នាពេលនោះ បានលើកឡើងថា អាស៊ានមិនមែនជា តុលាការអន្តរជាតិ ក្នុងការដោះស្រាយជម្លោះ រវាងរដ្ឋជាសមាជិកនោះទេ (ជម្លោះសមុទ្រចិនខាងត្បូងរវាងហ្វីលីពីននិងចិន, វៀតណាមនិងចិន)។
ក្នុងរដ្ឋការរបស់លោក អាគីណូនេះដែរ ប្រទេសហ្វីលីពីន បានផ្តល់ទីតាំងដល់ ខ្មោចអតីតគណបក្សសង្គ្រោះជាតិ បង្កើតផងដែរ នៅក្នុង រដ្ឋធានីម៉ានីល នាខែកក្កដា ឆ្នាំ២០១២ ស្របពេលកម្ពុជា កំពុងមមាញឹក ក្នុងការធ្វើជាម្ចាស់ផ្ទះ កិច្ចប្រជុំកំពូលអាស៊ាន ក្នុងឋានៈ ជាប្រធានប្តូរពេញ ១ឆ្នាំ២០២១ និងកំពុងជាប់កាន់ទុក្ខ សម្តេចព្រះបរម រតនកោដ្ឋិ សម្តេចព្រះនរោត្តម សីហនុ ផងដែរ៕
ប្រែសម្រួលដោយៈ សយ សុភា
