ញូវយ៉ក ៖ ការគំរាមកំហែង ដ៏ធំបំផុត ចំពោះលទ្ធិប្រជាធិបតេយ្យ លោកខាងលិច គឺចេញពីខាងក្នុងមិនមែន មកពីប្រទេសចិននោះទេ នេះបើយោងតាម អត្ថបទមួយ ដែលបានចុះផ្សាយ ដោយគេហទំព័រ ព័ត៌មាន Vox នៅសប្តាហ៍នេះ ។
អត្ថបទនេះបានឲ្យដឹងថា ការស្តីបន្ទោសប្រទេសចិន ចំពោះហេតុផលដែលលទ្ធិប្រជាធិបតេយ្យ លោកខាងលិចបច្ចុប្បន្នកំពុង ស្ថិតក្នុងការគំរាមកំហែង គឺ“ មិនត្រឹមតែខុសនោះទេ ប៉ុន្តែអាចបង្កគ្រោះថ្នាក់ថែមទៀត” ។
សេចក្តីថ្លែងការណ៍មួយបានឲ្យដឹងថា គោលការណ៍មួយ ដែលកំពុងលេចធ្លោរបស់រដ្ឋបាល ប្រធានាធិបតីអាមេរិកលោក ចូ បៃដិន គឺថាសហរដ្ឋអាមេរិក និងចិន កំពុងជាប់គាំង នៅក្នុងការប្រឈមមុខគ្នា ខាងមនោគមវិជ្ជា ចំពោះជោគវាសនានៃលទ្ធិប្រជាធិបតេយ្យ។
លោក Thomas Carothers និង Frances Brown អ្នកជំនាញ ឈានមុខគេពីររូប ស្តីពីលទ្ធិប្រជាធិបតេយ្យ បានសរសេរ នៅក្នុងអត្ថបទកិច្ច ការបរទេសថ្មីៗនេះថា“ ភាគច្រើននៃការថយក្រោយនៃលទ្ធិប្រជាធិបតេយ្យ សកលនាពេលថ្មីៗនេះ មិនមានអ្វីទាក់ទង នឹងចិននោះទេ” ។ “ ការផ្តោតសំខាន់មួយលើការប្រឆាំងចិន និងរុស្ស៊ីប្រឈមមុខនឹងហានិភ័យ ក្នុងការធ្វើគោលនយោបាយ ដើម្បីដោះស្រាយកត្តា ជាច្រើនទៀត ដែលជំរុញឱ្យការធ្លាក់ចុះជាសកល នៃលទ្ធិប្រជាធិបតេយ្យ” ។
លោក Zack Beauchamp អ្នកនិពន្ធរបាយការណ៍ ដែលបានបោះពុម្ពផ្សាយ កាលពីថ្ងៃពុធបានឲ្យដឹងថា ការដាក់ប្រទេសចិន ជាប្រភពនៃការបំផ្លាញ លទ្ធិប្រជាធិបតេយ្យ នៅទូទាំងពិភពលោក នឹងមិនជួយជំរុញបុព្វហេតុប្រជាធិបតេយ្យនោះទេ ដោយកត់សម្គាល់ថា លទ្ធិប្រជាធិបតេយ្យ កំពុងរលួយចេញពីខាង ក្នុងមិនមែនដោយគ្មាននោះទេ។
លោក Beauchamp អ្នកឆ្លើយឆ្លងព័ត៌មាននយោបាយ និងមនោគមវិជ្ជា សកលរបស់សារព័ត៌មាន Vox បានលើកឡើងថា នៅក្នុងប្រទេស ដែលមានលទ្ធិប្រជាធិបតេយ្យ មានហានិភ័យពិតប្រាកដ គណបក្សស្តាំនិយម កំពុងទាញយកផលប្រយោជន៍ ពីការបែងចែកជាតិ-សាសនា និងការមិនទុកចិត្តជាសាធារណៈក្នុងការបង្កើតនយោបាយ ដើម្បីឈ្នះឆ្នោត ៕
ដោយ ឈូក បូរ៉ា
