វីយែន ៖ អង្គការឃ្លាំមើលបរមាណូ របស់អង្គការសហប្រជាជាតិ បានឲ្យដឹង នៅក្នុង របាយការណ៍ប្រចាំ ឆ្នាំមួយថា កូរ៉េខាងជើង ហាក់ដូចជាបានចាប់ផ្តើម ដំណើរការរ៉េអាក់ ទ័រនុយក្លេអ៊ែរ ដែលត្រូវបាន គេជឿថា បានផលិតផ្លាតូនីញ៉ូម សម្រាប់អាវុធនុយក្លេអ៊ែរ ។
ទីភ្នាក់ងារថាមពលអាតូមិកអន្តរជាតិ IAEA មិនមានសិទ្ធិចូល ទៅកាន់ប្រទេស កូរ៉េខាងជើង នោះទេចាប់តាំងពី ទីក្រុងព្យុងយ៉ាង បានបណ្តេញក្រុមអ្នកត្រួត ពិនិត្យរបស់ខ្លួន ចេញពីប្រទេសក្នុងឆ្នាំ ២០០៩ ហើយការធ្វើតេស្តនុយក្លេអ៊ែរ ចុងក្រោយ របស់ប្រទេសនេះ គឺនៅឆ្នាំ២០១៧ ។
ឥឡូវនេះ IAEA ឃ្លាំមើល កូរ៉េខាងជើង ពីចម្ងាយដែលភាគច្រើន តាមរយៈរូបភាព ផ្កាយរណប ។ របាយការណ៍របស់ IAEA បានឲ្យដឹងអំពីរ៉េអាក់ទ័រ ៥ មេហ្កាវ៉ាត់ នៅ Yongbyon ដែលជាមជ្ឈមណ្ឌល នុយក្លេអ៊ែរ នៅចំកណ្តាលកម្មវិធីនុយក្លេអ៊ែរ របស់កូរ៉េខាងជើង ។
ទោះយ៉ាងណាក៏ ដោយ ចាប់តាំង ពីដើមខែកក្កដា ឆ្នាំ២០២១ មានការចង្អុលបង្ហាញរួម ទាំងការបញ្ចេញ ទឹកត្រជាក់ ដែលត្រូវនឹង ប្រតិបត្តិការ របស់រ៉េអាក់ទ័រ នេះបើយោង តាមការចុះផ្សាយ របស់ទីភ្នាក់ងារសារ ព័ត៌មានសិង្ហបុរី ។
IAEA ចេញ របាយការណ៍ជា រៀងរាល់ឆ្នាំមុនកិច្ចប្រជុំ នៃ ប្រទេស ជាសមាជិករបស់ខ្លួន ដោយបង្ហោះ វាតាមអ៊ីនធឺណិត ដោយគ្មានការ ប្រកាស ដោយរបាយការណ៍នេះ ត្រូវបានចុះកាលបរិច្ឆេទ នៅថ្ងៃសុក្រ ទី២៧ ខែសីហា ។
IAEA បានឲ្យដឹងនៅខែមិថុនាថា មានការចង្អុលបង្ហាញនៅរោងចក្រនុយក្លេអ៊ែរយ៉ុងប៊ីយ៉ុន នៃការងារកែច្នៃដែ លអាចធ្វើទៅបាន ដើម្បីញែកផ្លាតូនីញ៉ូម ចេញពីឥន្ធនៈរ៉េអាក់ទ័រ ដែលបានចំណាយដែលអាចប្រើ ក្នុងអាវុធនុយក្លេអ៊ែរ ៕
ដោយ ឈូក បូរ៉ា
