បរទេស៖ ក្រុមហ៊ុនទូរគមនាគមន៍យក្សឈ្មោះ Hikvision របស់ចិនបានច្រានចោល ការអះអាងដែលថា ទីក្រុងប៉េកាំងអាចប្រើប្រាស់ផលិតផលរបស់ខ្លួន សម្រាប់ការធ្វើចារកម្ម បន្ទាប់ពីការសម្រេចចិត្តរបស់ចក្រភពអង់គ្លេស ក្នុងការរឹតបន្តឹងការប្រើប្រាស់កាមេរ៉ាសុវត្ថិភាពរបស់ខ្លួន នៅកន្លែងរដ្ឋាភិបាល។
យោងតាមសារព័ត៌មាន RT ចេញផ្សាយនៅថ្ងៃទី២៦ ខែវិច្ឆិកា ឆ្នាំ២០២២ បានឱ្យដឹងថា នៅក្នុងសេចក្តីថ្លែងការណ៍មួយ ផ្ញើទៅកាន់ភ្នាក់ងារសារព័ត៌មាន គឺក្រុមហ៊ុន Hikvision ដែលជាក្រុមហ៊ុនផ្តល់សេវា CCTV ដ៏ធំបំផុតរបស់ពិភពលោក បាននិយាយថា វាគឺជា “មិនពិត” ឡើយ ក្នុងការបង្ហាញវាជាការគំរាមកំហែង ផ្នែកសុវត្ថិភាពនោះ។
ក្រុមហ៊ុនបាននិយាយថា “Hikvision គឺជាក្រុមហ៊ុនផលិតឧបករណ៍ ដែលមិនអាចមើលឃើញទិន្នន័យវីដេអូ របស់អ្នកប្រើប្រាស់ចុងក្រោយ” ដោយបន្ថែមថាវាមិនអាចបញ្ជូនទិន្នន័យ ទៅភាគីទីបីបាននោះទេ។ យើងមិនគ្រប់គ្រងមូលដ្ឋានទិន្នន័យ អ្នកប្រើចុងក្រោយ ហើយក៏មិនលក់កន្លែងផ្ទុក cloud នៅចក្រភពអង់គ្លេសដែរ។
ឧបករណ៍របស់ក្រុមហ៊ុន ត្រូវបានប្រើប្រាស់យ៉ាងទូលំទូលាយ នៅចក្រភពអង់គ្លេស។ យោងតាមរបាយការណ៍របស់ Reuters ឆ្នាំ ២០២១ យ៉ាងហោចណាស់ពាក់កណ្តាល នៃទីក្រុងឡុងដ៍គ្រប់គ្រងកាមេរ៉ា ដែលផលិតដោយ Hikvision ឬ Dahua ដែលជាក្រុមហ៊ុនទូរគមនាគមន៍ យក្សរបស់ចិនមួយផ្សេងទៀត៕ប្រែសម្រួលៈ ណៃ តុលា
