បរទេស៖ អ្នកនាំពាក្យវិមានក្រឹមឡាំង លោក Dmitry Peskov បាននិយាយថា ទីក្រុងមូស្គូមិនមានកាតព្វកិច្ចក្នុង ការទទួលស្គាល់ “ដីកាចាប់ខ្លួន” ប្រធានាធិបតី វ្ល៉ាឌីមៀ ពូទីន ដែលប្រកាសដោយតុលាការ ឧក្រិដ្ឋកម្មអន្តរជាតិកាល ពីថ្ងៃសុក្រ នោះទេ។
យោងតាមសារព័ត៌មាន RT ចេញផ្សាយនៅថ្ងៃទី១៧ ខែមីនា ឆ្នាំ២០២៣ បានឱ្យដឹងថា លោក Peskov បានប្រាប់អ្នកយក ព័ត៌មាននៅពេលសួរអំពីដី កាសម្រាប់ឧក្រិដ្ឋកម្មសង្គ្រាម ដែលលោកបានអះអាងថា “យើងចាត់ទុកការសន្និដ្ឋាន ដ៏អាក្រក់បំផុត និងមិនអាចទទួលយកបាន” ។ “រុស្ស៊ីក៏ដូចជារដ្ឋដទៃទៀតដែរ មិនទទួលស្គាល់យុត្តាធិការរបស់តុលាការនេះទេ។ អាស្រ័យហេតុនេះ សហព័ន្ធរុស្ស៊ីចាត់ទុកការប្រកាសណាមួយរបស់ ICC ទុកជាមោឃៈពីទស្សនៈផ្លូវច្បាប់»។
សូមជម្រាបថ តុលាការ ICC កាលពីថ្ងៃសុក្របានចេញដីកាសម្រាប់ការចាប់ខ្លួនលោក វ្លាឌីមៀ ពូទីន ប្រធានាធិបតី និងអធិការកិច្ចកុមាររបស់រុស្ស៊ី Maria Lvova-Belova ដោយចោទប្រកាន់ពួកគេពីបទ “ផ្ទេរកុមារដោយខុសច្បាប់” ពីអ៊ុយក្រែនទៅប្រទេសរុស្ស៊ី។ ពួកគេអះអាងថា លោក ពូទីន និង Lvova-Belova ទទួលខុសត្រូវទាំងបុគ្គល និងបញ្ជាសម្រាប់ឧក្រិដ្ឋកម្មសង្គ្រាមដែលត្រូវបានចោទប្រកាន់។
អាជ្ញាធររុស្ស៊ីបានជម្លៀសប្រជាជនរាប់ពាន់នាក់ចេញពីតំបន់ Donetsk, Lugansk, Zaporozhye និង Kherson ដែលជាតំបន់ ចំនួនបួនដែលបានបោះឆ្នោតយ៉ាង លើសលប់ដើម្បីចូលរួមជាមួយរុស្ស៊ី កាលពីខែកញ្ញាឆ្នាំមុនទៅកាន់ ផ្នែកខាងក្នុង ដោយសារការបាញ់ផ្លោងដោយ ចេតនាលើជនស៊ីវិលដោយកងកម្លាំងអ៊ុយក្រែន ដែលជារឿយៗ ប្រើប្រាស់អាវុធ ដែលផ្គត់ផ្គង់ដោយអង្គការណាតូ៕
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
