សេអ៊ូល៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី២៩ ខែមេសា ឆ្នាំ២០២៣ថា នៅថ្ងៃសៅរ៍នេះ ប្អូនស្រីដ៏មានឥទ្ធិពល របស់មេដឹកនាំកូរ៉េខាងជើង លោក គីម ជុងអ៊ុន បានព្រមានថា កិច្ចព្រមព្រៀងរវាងសហរដ្ឋអាមេរិក និងកូរ៉េខាងត្បូង ដែលមានបំណងពង្រឹងការរារាំងប្រឆាំង នឹងទីក្រុងព្យុងយ៉ាង នឹងនាំឱ្យមាន “គ្រោះថ្នាក់កាន់តែធ្ងន់ធ្ងរ” ។
គេបានដឹងថា សហរដ្ឋអាមេរិក និងកូរ៉េខាងត្បូង បានប្ដេជ្ញានៅក្នុងសប្តាហ៍នេះថា កូរ៉េខាងជើងនឹងប្រឈមមុខ នឹងការឆ្លើយតបដោយនុយក្លេអ៊ែរ និង “ការបញ្ចប់” នៃភាពជាអ្នកដឹកនាំនៅទីនោះ ប្រសិនបើខ្លួន ប្រើនុយក្លេអ៊ែរ ប្រឆាំងនឹងសម្ព័ន្ធមិត្ត ដូចដែលប្រធានាធិបតី នៃប្រទេសទាំង២ បានជួបគ្នានៅទីក្រុងវ៉ាស៊ីនតោន ។
នៅក្នុងការឆ្លើយតបលើកដំបូង របស់ក្រុងព្យុងយ៉ាង ចំពោះកិច្ចប្រជុំកំពូលនៅទីក្រុងវ៉ាស៊ីនតោន លោកស្រី Kim Yo Jong បានលើកឡើងថា កូរ៉េខាងជើង នៅតែជឿជាក់ថា ការទប់ស្កាត់នុយក្លេអ៊ែររបស់ខ្លួន “គួរតែត្រូវបាននាំទៅរកភាពល្អឥតខ្ចោះបន្ថែមទៀត” ។
លោកស្រីបានថ្លែងថា “សត្រូវកាន់តែស្លាប់ក្នុងការរៀបចំ ធ្វើសមយុទ្ធសង្គ្រាមនុយក្លេអ៊ែរ និងទ្រព្យសម្បត្តិនុយក្លេអ៊ែរ កាន់តែច្រើនដែលពួកគេដាក់ពង្រាយ នៅក្នុងតំបន់ជុំវិញឧបទ្វីបកូរ៉េ ការអនុវត្តសិទ្ធិការពារស្វ័យការពារ របស់យើងកាន់តែរឹងមាំ” ។ ទីភ្នាក់ងារសារព័ត៌មានកណ្តាលកូរ៉េផ្លូវការ បានផ្សព្វផ្សាយឲ្យដឹងដូច្នេះ ។
លោកប្រធានាធិបតីកូរ៉េខាងត្បូង Yoon Suk Yeol និងសមភាគីអាមេរិកលោក ចូ បៃដិន កាលពីថ្ងៃពុធបានចេញនូវអ្វី ដែលហៅថា សេចក្តីថ្លែងការណ៍របស់ទីក្រុងវ៉ាស៊ីនតោន ដោយជំរុញឱ្យមានឆ័ត្រនុយក្លេអ៊ែរ របស់សហរដ្ឋអាមេរិក លើប្រទេសកូរ៉េខាងត្បូង ដែលកាន់តែព្រួយបារម្ភ ចំពោះការឈ្លានពានរបស់ទីក្រុងព្យុងយ៉ាង ។
មន្ត្រីអាមេរិកម្នាក់បានប្រាប់ ដល់ទីភ្នាក់ងារព័ត៌មាន AFP ថា វានឹងពាក់ព័ន្ធនឹង “ការដាក់ពង្រាយជាទៀងទាត់ នៃទ្រព្យសម្បត្តិយុទ្ធសាស្រ្ត” រួមទាំងដំណើរទស្សនកិច្ច កំពង់ផែកូរ៉េខាងត្បូងលើកដំបូង ដោយនាវាមុជទឹកនុយក្លេអ៊ែរ ក្នុងរយៈពេលជាច្រើន ទសវត្សរ៍មកនេះ ៕ប្រែសម្រួលដោយ៖ ម៉ៅ បុប្ផាមករា
