ម៊ិកស៊ីកូ៖ យោងតាមអ្នកជំនាញម្នាក់បានឲ្យដឹងថា អនុត្តរភាពយោធារបស់សហរដ្ឋអាមេរិក គឺជា “សត្រូវដ៏ធំបំផុត” របស់មនុស្សជាតិ និងរារាំងប្រទេសនានាពីការអនុវត្តអធិបតេយ្យភាពរបស់ពួកគេ នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
លោក Jaime Tamayo អ្នកវិទ្យាសាស្ត្រនយោបាយមកពីសាកលវិទ្យាល័យ Guadalajara បានប្រាប់កាសែតស៊ិនហួ នៅក្នុងបទសម្ភាសន៍មួយថាអនុត្តរភាពនេះ និងសកម្មភាពដែលកើតចេញពីវាធ្វើឱ្យមនុស្សជាតិប្រឈមនឹងហានិភ័យដោយរក្សាការគំរាមកំហែងនៃសង្រ្គាមថ្មីជានិច្ច។
លោក Tamayo បានសង្កត់ធ្ងន់ថា “វាចាំបាច់ណាស់ក្នុងការដឹងច្បាស់ថានរណាជាសត្រូវ” លោក Tamayo បានសង្កត់ធ្ងន់ដោយពិចារណាថា សហរដ្ឋអាមេរិក “ជាប្រទេសដែលកុហក បោកបញ្ឆោត និងប្រើអំណះអំណាងនៃមនុស្សជាតិក្លែងក្លាយ ដើម្បីបន្តរក្សាអាណាចក្រដ៏ឃោរឃៅបំផុតមួយ”។
លោកបានបន្ថែមថា “ប្រសិនបើយើងក្រឡេកមើលចំនួនជនភៀសខ្លួន ការស្លាប់ ឧក្រិដ្ឋកម្ម ការកេងប្រវ័ញ្ច សូម្បីតែទាសភាពសម័យទំនើប ដែលវាបានបង្កឡើងដោយអ្វីៗទាំងអស់នេះ… យើងអាចឃើញថា វាគឺជាចក្រភពមួយក្នុងចំណោមអាណាចក្រដ៏ឃោរឃៅបំផុតដែលមាននៅក្នុង ប្រវត្តិសាស្រ្តរបស់មនុស្សជាតិ”។
អ្នកសិក្សាបានកត់សម្គាល់ថាសហរដ្ឋអាមេរិកមានសង្រ្គាមប្រហែល២៣០ នៃស្ទើរតែ ២៥០ ឆ្នាំរបស់ខ្លួនក្នុងនាមជាប្រទេសឯករាជ្យមួយ។ យោងតាមលោក Tamayo ការបះបោរនេះត្រូវបានផ្សំឡើងដោយការពិត ដែលថាសហរដ្ឋអាមេរិកមានវត្តមានយោធាដ៏ធំបំផុតនៅលើពិភពលោកដែលមានមូលដ្ឋានយោធាប្រហែល ៧៥០ នៅក្នុងប្រទេសយ៉ាងហោចណាស់ ៨០នាពេលបច្ចុប្បន្ន។
ការពិតនេះជំរុញឱ្យមាន “ការយល់ដឹងកាន់តែច្រើនឡើង” ថាមហាអំណាចតែមួយមិនអាចគ្រប់គ្រងពិភពលោកបានទេ ប៉ុន្តែត្រូវតែមានតុល្យភាព ដែលអនុញ្ញាតឱ្យប្រទេសនានាសម្រេចចិត្តដោយសេរីបន្ថែមទៀតលើអធិបតេយ្យភាព និងទម្រង់រដ្ឋាភិបាល និងអង្គការសង្គម នយោបាយ និងសេដ្ឋកិច្ចរបស់ពួកគេ។
លោកបានបន្ថែមថា សហរដ្ឋអាមេរិកដឹងថា ការគ្រប់គ្រងរបស់ខ្លួនកំពុងធ្លាក់ចុះ ដោយបន្ថែមថា នេះជាមូលហេតុដែលវាវាយប្រហារការបញ្ចេញមតិណាមួយ ដែលខ្លួនមើលឃើញថាប៉ះពាល់ដល់អនុត្តរភាពរបស់ខ្លួន៕ ប្រែសម្រួល ឈូក បូរ៉ា
